Korrika azken txanpara gerturatzen ari da, baina azken egunak izanagatik egun handiak geratzen zaizkio; gaur Bilbon izan da, bihar Donostian izango da eta igandean Gasteizen amaituko da. Astebete egin du gaur lekukoak, eskuz esku.
Gaur goizeko zortzietan Korrikak sartu-irten labur bat egin du Araban, Aiaraldetik; eta bederatziak aldera Artziniegara ailegatu dira. Berriro Bizkaian, ibilbideak Enkarterrietatik jarraitu du: Gordexola, Sodupe, La Quadra, Zaramillo eta Alonsotegi. Hala, 11:45 inguruan iritsiko da hiriburura, Bilbora, Zorrotzatik.
Euri azpian #klika
— AEK (@AEK_eus) 2019(e)ko apirilaren 11(a)
Lagun artean #korrika21
Gora #Artziniega euskalduna! pic.twitter.com/2vMdMhlaAo
Korrika ez dela gelditzen esan ohi da, baina ez da beti ahal izaten. Izan ere, batzuetan, halabeharrez, lasterketa segundo batzuez eten beste aukerarik ez dago. Horixe gertatu zaie goizean Sodupen.
Argi gorriari #klika berdea!
— AEK (@AEK_eus) 2019(e)ko apirilaren 11(a)
Trenbidearen alde banatan #korrika21#Sodupepic.twitter.com/cRyN5SNiYI
Bilbon egun-pasa egingo dute korrikalariek, eta auzoz auzo eta kalez kale ibiliko da lekukoa 16:30 ingurura arte. Kilometro jendetsuak izango dira guztiak, bai eta bereziak ere. Santutxun, adibidez, omenaldia egin zaio iaz zendutako Marian Leon AEK-ko irakasleari.
Santutxun Marian Leon AEKidearen omenezko kilometroa, Santutxuko AEKren izenean. Marian, zuk ereindako hazia gurekin geratzen da pic.twitter.com/e40FVOF0Mi
— AEK (@AEK_eus) 2019(e)ko apirilaren 11(a)
Bilbon jendetza biltzen ari da #Korrika-n. Santutxun goaz. @berriapic.twitter.com/SG0yEbEl8F
— Garikoitz Goikoetxea (@ggoikoetxea) 2019(e)ko apirilaren 11(a)
Ikusi, ikusi tunelaren ahotsa. #Korrika@berriapic.twitter.com/olEU9H0Bp7
— Garikoitz Goikoetxea (@ggoikoetxea) 2019(e)ko apirilaren 11(a)
Santutxun eta Begoñan bezala, Uribarrin ere jendetza batu da Korrikara.
Uribarrin sartu da #korrika21 eta hau da jendetza! pic.twitter.com/Ch7sULe0Ys
— AEK (@AEK_eus) 2019(e)ko apirilaren 11(a)
Erakundeek ere babesa adierazi diote Korrikari. Bilboko udaletxearen parean, lekukoa hartu dute udaleko ordezkariek.
AEK, @aek_eus
Eusko Jaurlaritza @Gob_eus eko kideek babesa adierazi nahi izan diote #KORRIKA21 i, lasterketa Bilbotik pasatu den egunean.#Klika! pic.twitter.com/tzHn3WqZPx
— AEK (@AEK_eus) 2019(e)ko apirilaren 11(a)
Batzar Nagusietako kideak, Bilbon #KORRIKA21 erako prest.
— AEK (@AEK_eus) April 11, 2019
Euskararen alde, #Klika! pic.twitter.com/7fYq0xQKod
Plaza Biribilan, kilometro bat egin dute elkarrekin euskalgintzari loturako Bilboko eragileek.
Mila esker, #Bilbo-ko euskalgintza! Zuek bultzatzen gaituzue #klika egitera! pic.twitter.com/Og5ejNPilJ
— AEK (@AEK_eus) 2019(e)ko apirilaren 11(a)
Bilbotik irten aurretik, Deustutik, Ibarrekolandatik, San Inaziotik eta Elorrietatik pasako da Korrika.
Azken kilometroak Bilbon (edo Deuston? 😉) Ibarrekolandako institutuko ikasleen eskutik pic.twitter.com/u9SXJLlk2B
— AEK (@AEK_eus) 2019(e)ko apirilaren 11(a)
Bilbo zeharkatu ondoren, Loiura egingo du lasterketak, eta Gatikatik sartuko da lehenengo aldiz Uribe Butroera. Han, Gatikan, kilometro bat egingo du Autopista Elektrikorik EZ! plataformak. Mungiatik ondoren, Bakiora gero, eta, hortik, Busturialdera, Bermeotik. Korrikaren ibilbideari jarraika dabil BERRIA bertatik bertara bere webgune berezian.