Eusko Jaurlaritzako Segurtasun Sailak zabaldu duen informazioaren arabera, asteazkenean jazo zen erasoa. Gizon batek hitzordua zuen andre batekin, adineko pertsona bat zaintzeko lanpostu baterako elkarrizketa egin behar ziolakoan. Areetan elkartu ziren, eta handik etxera joateko proposamena egin zion gizonak andreari. Behin etxera igota, eraso egin ziola kontatu du emakumeak; sofan esertzeko esan zion, eta atzetik gerturatuta, galtzak kentzera behartu, eta bortxatu egin zuen.
Atzo atxilotu zuten ertzainek gizona, Areetan bertan.