Eusko Jaurlaritzako Segurtasun Sailak jakinarazi duenez, auto gidari bat hil da gaur goizean, A-1 autobidean izandako trafiko istripuan. Iruña Oka (Araba) parean da ezbeharra, Espainiarako norantzan.
Segurtasun Sailak emandako informazioaren arabera, 11:30 aldera izan da ezbeharra: bi autok elkar jo dute. Gidarietako bat hil egin da lekuan bertan, eta beste bat larri zaurituta eraman dute Santiago ospitalera. Hiru kilometroko auto ilarak sortu dira A-1ean istripuaren eraginez.
