Marokoko segurtasun indarrek igandeaz geroztik izan dute atxilo Khalid El-Haddadi ekintzailea. EH Bilduren Bilborako hautagaia asteburuan atzeman zuten, amaren hiletara joateko asmoz muga zeharkatu zuenean. Ostiralean hil zen Haddadiren ama, eta Alhucemas herrira bidean zihoan hari azken agurra ematera gelditu zutenean.
Gaur goizean, Jone Goirizelaia Bilboko EH Bilduko alkategaiak gutuna bidali du Marokoko kontsuletxera ekintzailea aske uzteko eskatuz, Bilbora itzuli eta "bere bizitzarekin jarraitu ahal izateko". Bilboko San Frantzisko auzoan dagoen Berebar tabernaren jabea da El-Hadadi.