Albistea entzun

Prentsa askatasuna

'Ahotsa.info'-ko kide bat deklaratzera deitu dute, "terrorismoa" goratzea egotzita

2018ko urtarrilean argitaratutako bi albisterengatik, Espainiako Auzitegi Nazionaleko Fiskaltzak salaketa jarri zuen, haietan EPPK-ko kideei "euskal preso politiko" deitu zietelako. Agoizko auzitegian deklaratu ondoren, libre utzi zuten atzo.

Ahotsa.info Tamaina handiagoan ikusi

Hodei Iruretagoiena -

2019ko apirilak 25 10:09

2018ko urtarrilaren 5ean eta 13an argitaratutako bi albisterengatik joan behar izan zuen deklaratzera Ahotsa.info-ko kide batek atzo, Agoizko (Nafarroa) epaitegira. Albiste haietan "euskal preso politiko" izendatu zituzten EPPK-ko presoak, eta Espainiako Auzitegi Nazionaleko Fiskaltzak salaketa jarri zien "terrorismoa" goratzea leporatuta. Bideokonferentzia bidez deklaratu zuen Ahotsa.info-ko kideak, Auzitegi Nazionaleko epaile baten aurrean, eta libre utzi zuten balintzarik gabe.

Nafarroako hedabideak gogora ekarri du honakoa ez dela jasaten duen lehen erasoa, eta Euskal Herriko beste hainbat hedabideren kasuak ere oroitarazi dituzte: Egin, Egin Irratia, Egunkaria, Ardi Beltza, Apurtu, Ateak Ireki… 2011ko urtarrilean, Apurtu.org webgunearen aurkako operazioa egin zuen Espainiako Poliziak, "Askatasunaren propaganda aparatuko kide" izatea leporatua. Ateak Ireki webgunea sortu zuten orduan, eta Espainiako auzitegiek bide beretik jo zuten: ixteko agindua eman zuten 2013ko azaroan. Haren ondoren sortu zen Ahotsa.info.

Azkenaldian, ordea, Mozal legearen mamua ere batu zaio kazetarien jardunari, Ahotsa.info-k salatu duenez. "Mozal legearen aplikazioarekin herri komunikabide batzuen jarduera baldintzatzen saiatu dira. Hor ditugu, esaterako, Argia edo Hala Bediko kazetarien auziak. Adierazpen askatasuna eta prentsa askatasuna arriskuan daude oraindik Euskal Herrian, eta hori onartezina da", ohartarazi dute hedabideko kideek: "Bere garaian azpimarratzen genuen bezala, gaur ere ozen esan nahi dugu: jarraitzen dugu, jarraituko dugu".

Iazko uztailean ere joan behar izan zuen deklaratzera kide batek, auzi berberagatik, Espainiako Poliziak Iruñean duen egoitzara.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Gregorio Eskuderoren aldeko manifestazioa, gaur, Orion. ©Gorka Rubio / FOKU

Gregorio Eskudero 70 urteko presoa Euskal Herriratzeko eskatu dute Orion

Berria

Eskuderori hirugarren gradua ezartzeko ere eskatu du Sarek. Orain, Dueñaseko (Espainia) kartzelan dago preso, lehen graduan.

Plaza Hutsan 350 lagun baino gehiago elkartu dira. ©SORTU

«Herrigintza aro berri bat pizteko oinarria» jarri du Sortuk Burlatan

Mikel Elkoroberezibar Beloki

Plaza Hutsa bete dute 350 lagunek baino gehiagok, herrigintzaren eta estrategia independentistaren arteko lotura sakontzeko helburuarekin.

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.