Hauteskunde gaua, minutuz minutu

Emaitzen laburpena

EAJk irabazi ditu hauteskundeak Hegoaldean, eta sei diputatu eskuratu ditu. Beste horrenbeste lortu du PSEren eta PSNren baturak ere. Elkarrekin Podemosek bost lortu ditu, lau erdietsi ditu EH Bilduk eta bi Navarra Sumak. PPk, Ciudadanosek eta Voxek ez dute ordezkaririk lortu Araba, Bizkai eta Gipuzkoan.

Espainian, berriz, PSOE gailendu da alde handiarekin, eta PP hondoratu egin da. Pedro Sanchezek erabaki beharko du gobernua osatzeko Ciudadanosen babesa bilatuko duen, ala Unidas Podemosen eta indar abertzaleengana jotzen duen laguntza eske.

Txibite: "Ezkerreko botoen liderra izan nahi dut, gobernu aurrerakoi bat osatzeko"

Maria Txibite PSNko idazkari nagusia gustura agertu da alderdi sozialistak Nafarroan lortu dituen emaitzekin. Bi diputatu eta senatari bat eskuratu ditu. Txibitek nabarmendu du Nafarroan ezkerrak eskuinak baina boto gehiago eskuratu dituela. Maiatzaren 26ko foru hauteskundeetan ezkerreko indar horien gidari izan nahi duela gaineratu du, gobernu aurrerakoi bat osatzeko.

.@mavichina ere pozik, "presidente, presidente" oihuka militanteak. Foru hauteskundeetan emaitzak errepikatu nahi ditu: "Nafarroako ezkerrak eskuinak baino boto gehiago izan ditu, eta boto horien lidergoa izan nahi dut gobernu aurrerakoia izateko" @berria #A28

— Joxerra Senar (@joxerrasenar) April 28, 2019

Eparzak adierazi du Nafarroa ez dela abertzalea, espainiarra baizik

Javier Esparza UPNko buruak Navarra Sumak Nafarroan lortu duen garaipena nabarmendu du. Mezua bidali dio Uxue Barkos Nafarroako presidenteari: haren esanetan, Nafarroa ez da abertzalea, espainiarra baizik.

Esparza pozarren, Barkosi mezua igorri dio: "Epe muga du". UPNko presidentearen arabera, Navarra Sumak "asmatu" egin du indarrak batuta. ""Laukoak berriro galdu egin ditu hauteskunde batzuk, eta gauza bat argi: Nafarroa ez da abertzalea, espainiarra baizik". @berria

— Joxerra Senar (@joxerrasenar) April 28, 2019

Ciudadanos Espainiako etorkizunaren itxaropena bihurtu dela ziurtatu du Riverak

Albert Rivera Ciudadanoseko buruak adierazi du hauteskundeetako emaitza errespetatuko dutela. Riverak aurreratu du Sanchezek gobernua eratuko duela Unidas Podemosekin eta abertzaleekin batera. Aukera horri kontrajarro dio Ciudadanos Espainiaren etorkizunerako "itxaropena" bihurtu denaren ideia. Oposizioa gidatzeko jauzi kualitatiboa eman dutela adierazi du, eta "berandu baino lehen" Espainia gobernatuko dutela ziurtatu du.

Alonsok hausnarketa egitea ezinbesteko jo du

Alfonso Alonso Araba, Bizkai eta Gipuzkoako PPko presidenteak aitortu du une zaila dela alderdi popularrarentzako, ez baitu ordezkaririk lortu EAEn. Alonsok gaineratu du PP "ardura handia" duela estatu mailan. Haren esanetan, Araba, Bizkai eta Gipuzkoatik "Espainiarentzako onena" den egoera bilatzeko lanean jardungo dute. Alonsok ezinbesteko jo du hausnarketa egitea, PPren emaitzak zein izan diren ikusita

Mendiak nabarmendu du PSOEk "eskuina geldiaraztea" lortu duela

Idoia Mendia PSE-EEko idazkari nagusiak PSOEren emaizak goraipatu ditu. Nabarmendu duenez, alderdi sozialistak "eskuinak geldiaraztea" eta Espainia "gidatzea" lortu du. Mendiak adierazi du Sanchezi dagokiola orain Espainiako Gobernu berria eratzea. Araba, Bizkai eta Gipuzkoan izan duten gorakadarekin ere pozik agertu da, eta EAEn bigarren indar izateari balioa aitortu dio.

Casadok oposiziotik lan egingo duela iragarri du

Pablo Casado PPko buruak Sanchez eta PSOE zoriondo ditu, eta hauteskundeetan izan duten garaipena aitortu du. Casadok gaineratu du oposiziotik egingo duela lan PP berriro ere alderdi irabazle bihurtzeko. Beraz, ez du presidente izendatua izateko bere burua aurkeztuko. Eskuineko alderdiei hausnarketa egiteko eskatu die, zatiketak emaitzetan kalte egin diela iritzita. Casadok Navarra Suma jarri du eskuinak hartu beharreko bidearen adibide.

Sanchezek adierazi du konstituzioa errespetatzen duten guztiekin hitz egingo duela akordioa bilatzeko

Pedro Sanchez Espainiako presidenteak PSOEren garaipena ospatu du. "Etorkizunak irabazi du, eta iraganak galdu". Espainiako gizartea demokraziaren alde egindu, Sanchezen esanetan, "azken 40 urteetan ekuratu ditugun eskubide eta askatasunen alde". PSOEk gobernua eratuko duela ziurtatu du eta hiru erronka zehaztu ditu: gizarte desberdintasunei aurre egitea, elkarbizitzaren alde egin eta lurralde gatazkak gainditzea eta ustelkeriari aurre egitea.

Sanchezek esan du konstituzioa errespetatzen duten alderdi guztiekin hitz egingo duela eta militanteek berehala erantzun dute: "Riverarekin ez" hasi dira oihuka. Sanchezek adierazi du berak ez duela beste batzuk bezala egingo, Ciudadanosek PSOErekin gobernua osatzearen kontra egin dituen adierazpenei erreferentzia eginez. Sanchezek nabarmendu du guztiekin hitz egingo duela.

Espainiako Diputatuen Kongresuko botoen %98,44 kontatuta, 123 eserleku eskuratu ditu PSOEk. Bi aukera ditu presidentziara iristeko: Ciudadanosen babesa bilatzea; edo Unidas Podemosekin ez ezik, ERCrekin (15) eta beste abertzale batzuekin ados jartzen saiatzea.

PPk beherakada handia izan du 137tik 66ra. Ciudadanosekin (57) eta Voxekin (24) batuta, ez du gehiengorik osatzen. 147 eserlekurekin gelditzen da eskuina.

Nafarroan hautetsirik gabe gelditu da EH Bildu

Nafarroan botoen %99,76 zenbatuta, EH Bilduk ez du eskuratu eserlekurik. PSNren eta EH Bilduren artean saltoka ibili da aulki hori, eta PSNren eskuetan gelditu da azkenean. Atzerriko botoa zenbatzeko dago; astea amaitzerako jakingo dira behin betiko emaitzak.

EAJk elkarrizketarako deia

Andoni Ortuzar ere pozik agertu da prentsaren aurrean. Araban aurreneko indarra izan dira, lehen aldiz, eta horrek bereziki poztu dituela esan du. "Era baikorrean" arituko direla esan du, eta elkarrizketaren bidez akordiorako deia egin du: "Gure ordezkaritza Euskadiren eta ongizatearen zerbitzuan arituko da". Agertoki berrian, "elkarrizketa aukera eta konponbide politikoak" proposatzen dituela nabarmendu du EBBko buruak.

Sei eserleku eskuratu dituzte Araba, Bizkai eta Gipuzkoan (5 zituzten lehen)

ERCk 15 eserleku lortu ditu. Pozik agertu dira prentsaren agertu dira.

Unidas Podemosek emaitza hobeak espero zituela onartu du Pablo Iglesiasek. Hala ere, "indar progresistak" eskuinekoak baino gehiago direla nabarmendu du. PSOErekin hitz egin dutela ere jakinarazi du.

Araban %100 kontatuta, eserleku bana eskuratu dute EAJk, PSEk, Podemosek eta EH Bilduk. 384 botorengatik, eserlekurik gabe gelditu da Maroto. Atzerriko botoa kontatzeko dago.

Voxek 24 diputatu lortu ditu, botoen %93,66 zenbatuta. "Birkonkista hasi da", esan du Abascalek. "Vox gelditzeko etorri da"

Araban kontatuta dauzkate botoen %99,30. Eserleku bana dute EAJk, PSEk, Podemosek eta EH Bilduk

Botoen %98,44 zenbatu dituzte Bizkaian. Aldaketarik ezean, EAJrentzan izango dira 3 eserleku, PSErentzat 2, Unidas Podemosentzat 2, eta EH Bildurentzat 1.

Botoen %92,38 zenbatuta, EH Bildu eserlekurik gabe dago Nafarroan. PSNk bi ditu

Nafarroan, %85,49 kontatuta, EH Bilduk eserleku bat kendu dio PSNri.

Une honetako zenbaketa kontuan hartuta (%66,33), PSOEk eta Unidas Podemosek 159erleku batzen dituzte. EAJrenak EH Bildurenak batuta, ez dute gehiengoa batzen. ERC behar lukete.

Ciudadanosekin elkartuta, berriz, gehiengoa osatuko lukete.

Katalunian ere zenbatu dituzte botoen erdiak. ERC dago nagusi, 15 diputaturekin; PSNk 12 ditu; Guayarem-ek eta JxCat-ek zazpina; Ciudadanosek bost, eta PPk eta Vox-ek bana.

Botoen erdiak zenbatu dituzte Espainian.

PSOE 126
PP 66
Ciudadanos 55
Unidas Podemos 35
Vox 23

Nafarroan botoen %69,73 zenbatuta, abertzaleek ez dute ordezkarik Espainiako Diputatuen Kongresuan. Bina dituzte Navarra Sumak eta PSNk, eta Elkarrekin Podemosek 1.

Araban dantzan dabil eserleku bat, EH Bildutik PPra. %50,22a zenbatuta, EH Bildurena izango da azken eserleku hori. 12.211 boto zenbatu ditu EH Bilduk, eta 11.675 PPk. Gauzek horrela jarraitzen badute, Javier Marotok ez du eserlekurik izango Madrilen.

Asko dira botoa postaz eman dutenak. Boto haiek guztiak ere gaur zenbatuko dituzte. Atzerriko botoak geldituko dira zenbatu gabe.

Asko dira botoa postaz eman dutenak. Boto haiek guztiak ere gaur zenbatuko dituzte. Atzerriko botoak geldituko dira zenbatu gabe.

Espainiako boto kontaketa %29,60ra iritsi da. PSOEk 132, PPk 65, Ciudadanosek 51, Unidas Podemosek 33, Vox-ek 23

Nafarroan, %41,36 kontatuta: bina Navarra Sumak eta PSNk, Elkarrekin Podemosek bat.

Araban motel doa zenbaketa. %29,26 zenbatuta: Bana dute lukete EAJk, PSE-EEk, Elkarrekin Podemosek eta EH Bilduk.

Bizkaian, %63,8 zenbatuta: EAJk 3, PSEk 2, Elkarrekin Podemosek 2 eta EH Bilduk 1.

Gipuzkoan, boten %55a zenbatuta, EAJk eta EH Bilduk bina, eta PSEk eta Elkarrekin Podemosek bana.

Lehia estua azken diputaturako Araban eta Nafarroan

Azken diputatua oso lehiatua dago Araban, EH Bilduren eta PPren artean, eta Nafarroan PSNren eta EH Bilduren artean.

AZKEN DIPUTATUA
Araba (%13,66 zenbatuta): Bildurentzat (PP 2 botora)
Bizkaia (%55,04 zenbatuta): Podemosentzat (PP 5.087 botora)
Gipuzkoa (%45,98 zenbatuta): EH Bildurentzat (PSOE 13.525 botora)
Nafarroa (%13,66 zenbatuta): PSOErena (EH Bildu 634 botora)@berria

— Jakes Goikoetxea (@ijitoa) April 28, 2019

EH Bilduk lehen irakurketa egin du: Espainiako Gorteetarako hauteskudeak zailak izaten direla nabarmendu du Mertxe Aizpuruak, baina EH Bilduk goranzko joera duela azpimarratu du.

Inkesten eta lehen datuen arabera, PPk boto asko galduko ditu. Eserlekuetan erdia jaitsi daiteke: 137tik 69 ingurura. Lehen PPk eskuratzen zituen botoak Ciudadanosen eta VOXen zakuetara joan direla dirudi.

Zenbaketak abian dira. Araba, Bizkai eta Gipuzkoan %29 zenbatuta eta Nafarroan %15. EH Bilduk 4 eserleku lotuko lituzte (inkestak bi eman dizkio): Gipuzkoan bina eta bana Bizkaian eta Nafarroan. Oraindik, baina, asko dago kontatzeko.

Akordioak derrigorrezko

Lehen inkestaren arabera, Espainiako Gorteetan gobernatu nahi duenak akordioak egin beharo ditu presidentetzarako babesa lortzeko. Pedro Sanchez sozialisten liderrak, bere eserlekuez gain (116-121), Unidas Podemosen (42-45), ERCren (13-14), EAJren (6) eta EH Bilduren (2) botoak beharko lituzke presidente izendatua izateko.

Nafarroan bina Navarra Sumak eta PSNk

EH Bildu eserlekurik gabe geldituko da Nafarroan, inkestaren arabera. Navarra Suma eta PSN, berriz, pare-parean, bina eserlekurekin. Unidas Podemosi eserleku bat eman diote.

EAJk eta PSEk bina Gipuzkoan

Inkestako emaitzen arabera, Gipuzkoan bina lortuko lukete PSEk eta EAJk. EH Bilduk, bat.

EAJ nagusi Bizkaian

Inkestaren arabera, EAJk irabaziko du Bizkaian

Araban PPri eman diote dudako eserlekua

Telebista publikoek egindako galdeketen arabera, Araban PSEk diputatu bat edo bi eskuratuko lituzke; EAJk, Unidas Podemosek eta PPk, bana. EH Bilduk ez luke ordezkaritzarik.

Hego Euskal Herriko emaitzak

Fortaren inkestaren arabera, honela banatuko dira Araba, Bizkai, Gipuzkoa eta Nafarroako 23 eserlekuak:

PSOEk 7-8 eserleku

EAJk 6

Unidas Podemosek 5

Navarra Sumak 2

EH Bilduk 2

PPk 0-1

Informazio gehiago

Lehen inkestaren arabera, eskuina ez da nagusituko

Fortak, RTVEk eta autonomietako komunikabideek egindako inkestaren arabera, PSOEk irabaziko lituzte bozak.

PPk (69-73), Ciudadanosek (48-49), Vox-ek (36-38) eta Navarra Sumak (2) ez dute lortuko Espainiako Gobernua osatzeko behar luketen gehiengoa. Laurei aurreikusten dizkieten emaitzarik onenak batuta 162 eserleku batuko lituzkete; PSOEk (116-121) eta Unidas Podemosek (42-5) 166.

EAJri 6 eserleku aurrikusi dizkiote, EH Bilduri 2, eta Navarra Sumari ere 2.

Informazio gehiago

Ordu laurdena falta da hautetsontzi gehienak ixteko. 20:00etan kontaketak hasiko dira, eta lehen zundaketen berri ere orduan jakingo da.

Araba, parte-hartze txikiena

Araban izan da arratsaldeko 18:00ak arte parte-hartze txikiena Hego Euskal Herrian. Erroldan dauden herritarren erdiak bozkatu du ordu horretarako. Zehazki, %51,8k. 2016ko bozekin alderatuta igoera 3,28 puntuko da.

Gipuzkoan, parte-hartze onenetan hirugarrena

Gipuzkoan dago gaurko hauteskundeetan parte-hartzearen igoeraren nabarmenena. 18:00etarako hamar puntutik gorakoa zen, eta datu horiekin emaitza historiko bat espero daiteke. Izan ere, gaurko parte-hartze datua, %60,03, 1982ko eta 2004ko bozen ondoren onena da. 1982an 18:00etan %65,29koa izan zen, eta 2004an, %60,71koa. 2016ko hauteskundeetan, azken bi orduetan hamasei puntu igo zen parte-hartzea Gipuzkoan.

Nafarroan ere, hamarretik seik

Nafarroan ere 18:00etarako hamarretik sei herritarrek bozkatu dute. %60,97 izan dira guztira ordu horretarako, 2016an baino 9,2 puntu gehiago. Duela hiru urte azken orduan parte-hartzea hemeretzi puntu igo zela haintzat hartuta, gaur hori bera gertatuko balitz, %80ko parte hartze batera hurbilduko litzateke Nafarroa. Hala ere, erreferentzia bezala 2008ko haueskundeak har daitezke. Urte horretan 18:00etan parte hartzea %62,83koa izan zen, eta azkenean datu osoa %77,59koa izan zen.

Bizkaia, herrialde aktiboena

Arratsaldeko datuei dagokionez, Bizkaia ari da izaten gaurko hauteskundeetan herrialde aktiboena. 18:00ak arte herritarren %62,34k bozkatu dute. 2016ko hauteskundeetan %53,03 izan ziren. Datu horiek neurtzerakoan aintzat hartu behar da duela hiru urte beste hamabost puntu igo zela parte hartzea 20:00etarako; %68,37koa izan zen azkenean. Joera hori errepikatuko balitz, %75tik gorako parte-hartze batera iritsiko litzateke gaur Bizkaia.

Igoera oso handia, hiru herrialdetan

Arratsaldeko parte-hartze datuek ere 2016koekiko gorakada berretsi dute. Eguerdian igoera bereziki nabarmena Gipuzkoan izan da, eta arratsalderako igoera hamar puntutik gorakoa izan da: 10,09koa zehazki. Nafarroan eta Bizkaian ere asko handitu da parte hartzea, eta bederatzi puntutik gora handitu da, 9,19 Bizkaian eta 9,17 Nafarroan. Parte-hartzea Araban igo da gutxien, 3,28 puntu.

Informazio gehigo

Jarraitu emaitzak, BERRIAn

Boto kontaketa hasi ahala, BERRIAk zuzenean emango ditu emaitzak webgunean grafikoetan ere bai. 2011ko, 2015eko eta 2016ko datuekin ere alderatu ahal izango dira. Bitartean, aurreko hauteskunde horietako emaitzak daude ikusgai.

Donostian EHUko Zuzenbideko fakultatean jarri duten bozkalekuan gizon bat hil da. Eusko Jaurlaritzako Segurtasun Sailak jakinarazi duenez, botoa ematera joan da gizona eta berez hil da. Larrialdi zerbitzuak han bertan saiatu dira suspertzen gizona, baina ezin izan dute ezer egin.

Eguerdiko datuei erreparatuta Gipuzkoan izan da nabarmena parte-hartzearen igoera. 1982tik izan den parte hartzerik handiena da gaurkoa 14:00etan. %42,81 zen gaur, eta 1982an ordubete geroago (15:00etan neurtzen baitzen orduan parte hartzea), %44,99koa izan zen. Azken urteetan, berriz, Espainiako bozetan hau izan da 14:00etan:

2011: %37,94

2015: %39,71

2016: %35,31

Gaur duela azken boz horietan baino 7,5 puntu handiagoa izan da.

Hego Euskal Herrian parte hartzearen gorakada %5,34koa izan da bataz beste. 928.606 herritarrek eman dute botoa 14:00etarako.

Hurrengo parte-hartze datuak, 18:00etan

18:00etan bilduko dituzte hurrengo parte-hartze datuak. Eguerdiko gorakadaren ondoren, bozkalekuak itxi baino bi ordu lehenago baieztatuko da parte hartzea orain espero bezain handia den. Hauek dira 2016ko 18:00etako parte hartze datuak:

Araba: %48,52 (120.583 botoemaile).

Bizkaia: %53,03 (483.366 b.).

Gipuzkoa: %49,88 (276.842 b.).

Nafarroa: %51,77 (247.332 b.)

Azken bozkalekua, 20:35en itxiko da

Gora-behera handirik gabe doa gaurko hauteskunde eguna Hego Euskal Herrian, baina boto kontaketa atzeratu egingo da pixka bat. Izan ere, Zizur Nagusian bozkaleku bateko berogailu bat hondatu egin da eta behar baino karbono dioxido gehiago botatzen ari zelako bozkalekua itxi egin behar izan dute 11:40ean. 12:15ean zabaldu dute berriro eta itxita egon den denboragatik 20:35ak arte izango dute han hautesleek bozkatzeko aukera.

Parte hartzeak %11 egin du gora Katalunian

Igoera esanuratsua izan du 14:00ak arteko parte hartzeak Katalunian. 2016an, ordu berean izan zen parte hartzea 11 puntutan gainditu du aurtengo datuak.

Parte hartzea %5 baino gehiago handtu da Hego Euskal Herrian

2016ko datuekin alderatuta, 14:00ak arteko parte hartzeak gora egin du Hego Euskal Herrian, %5 baino gehiago. Igoerahandiena Gipuzkoan izan da (%7,47); Nafarroan %5,79 handitu da; Bizkaian, %5,21 eta Araban %2,56.

Parte hartzea %41,49koa da 14:00etan, Espainiako Estatuan

Parte hartzeak 4,5 puntu egin du gora Espainiako Estatuan, 14:00ak arte, 2016ko hauteskundeekin alderatuta. Ordura arte, botoa emateko eskubidea duten herritarren %41,34k bozkatu dute.

Ortuzarrek adierazi du bozkatzea demokrazia indartzeko erremintarik onena dela

Andoni Ortuzar EAJko buruaren esanetan, bozkatea "demokrazia indartzeko erremintarik onena da, eta populismoaren kontra eta giza eskubideen eta balio demokratikoen alde lan egin eta borrokatzeko neurririk onena". Hori dela eta, bozkatzera animatu ditu herritarrak. Ortuzarrek eskatu du "Euskadi defendatuz" eta "demokrazia indartzeko" eman dezatela botoa.

Elorza: "Egun historikoa da"

Odon Elorza Espainiako Kongresurako PSE-EEren Gipuzkoako zerrendaburuaren esanetan, gaurko hauteskunde bozketa "historikoa" izango da. Adierazi duenez, "ilusioz eta konfiantzaz" ari da bizitzen eguna. Donostiako Loiola auzoko Ikasbide ikastolan eman du botoa.

Uriartek adierazi du askatasuna "etorkizuneko mundu hobe" baten aldeko erabakiak hartzea dela

Roberto Uriarte Unidas Podemosen Kongresurako Bizkaiko zerrendaburuak Albert Camus idazlearen esaldi bat ekarri du gogora, Bilbon bozkatu duenean. "Askatasuna ez da edozer gauza aukeratzeko posibilitatea. Etorkizuneko mundu hobe eta solidarioago baten alde erabakiak hartzeko aukera ere bada", adierazi du.

Nafarroako eta Espainiako eskuinei irribarrea ezabatzea espero du Pozuetak

Bel Pozueta Kongresurako EH Bilduren Nafarroako zerrendaburuak Altsasun bozkatu du, eta ohartarazi du EH Bildu dela "eskuinari aurre egiteko aukera bakarra". Herritarrei parte hartzea deitu die, Navarra Sumarekin "zalantzan dagoen eserleku hori" EH Bilduk eskuratu dezan. Pozuetak espero du "Nafarroako eta Espainiako eskuinei irribarrea ezabatzea".

Hautetsontziak "boto antifaxistekin" betetzera deitu du Matutek

Oskar Matute EH Bilduren Kongresurako Bizkaiko zerrendaburuak Barakaldoko Gurutzeta auzoan bozkatu du. erritarrei dei egin die hautetsontziak "boto antifaxistekin betetzera", demokrazia zabaltzeko. "Hautetsontziak bete daitezela demokraziaz, antifaxismoz, errepublikaz, ezkerraz eta abertzaletasunaz", adierazi du.

Parte hartze altua bada, "gehiengo aurrerakoia" nagusituko dela uste du Belarrak

Ione Belarra Kongresuako Unidas Podemosen Nafarroako zerrendaburuak ez du emaitzarik aurreratu nahi izan, baina adierazi du herritarren parte hartzea altua baldin bada, "gehiengo aurrerakoia" nagusitzea espero duela.

Estebanen esanetan, gaur erabakiko dena da nork eramango dituen herritarren kezkak Madrilera

Aitor Esteban Kongresurako EAJren Bizkaiko zerrendaburuak Zeberion (Bizkaia) bozkat du, eta nabarmendu du gaurkoa ez dela Espainiako presidentea aukeratzeko bozketa, Madrilera herritarren "kezkak" eramango dituzten ordezkariak aukeratzekoa baizik.

Estebanek uste du herritarrek "serio" hartuko dutela gaurko hauteskundeetan parte hartzeko ardura, eta "era masiboan" bozkatuko dutela aurreratu du.

Uxue Barkosek nabarmendu du gaurko parte hartzea bereziki garrantzitsua dela

Nafarroako presidente Uxue Barkosek ere bozkatzera deitu ditu herritarrak eta adierazi du gaurko parte hartzea bereziki garrantzitsua dela. Barkosen esanetan, bozkatzea "ez da eskubide bat soilik, eginbeharra ere bada, eta kasu honetan ekarpen garrantzitsua izango da hurrengo lau urteetako politikan".

Sayasek bozkatzera deitu du, "Nafarroako etorkizuna beste batzuk" erabaki ez dezaten

Sergio Sayas Navarra Suma koalizioaren Kongresurako hautagaiak Barañainen bozkatu du, eta botoa ematera animatu ditu herritarrak, "Nafarroarentzako eta Espainiarentzako zer nahi dugun zuzenean erabaki dezagun, eta beste batzuri gure ordez erabakitzen utz ez diezaiegun".

Idoia Mendiak "egonkortasuna" bermatuko duen gehiengoa espero du

Idoia Mendia PSE-EEko idazkari nagusiak Bilbon bozkatu du. Adierazi duenez, emaitzek "gehiengo nabarmen bat" islatzea espero du, eta horrek "egonkortasunez eta lasai gobernatzea" ahalbidetuko diola PSOEri.

Mendiaren esanetan, gaurko hauteskundeetan Espainiaren "etorkizuna, elkarbizitza eta pluralitatea" daude jokoan.

Koldo Martinez

Koldo Martinez Geroa Bairen zerrendaburua ere izan da hauteslekuan. "Demokrazian sakontzea" eta "autogobrnua sendotzea" dira bere helburuak. Gero Bairi botoa ematen dionak horretan laguntzen duela azpimarratu du.

"Eguna amaitzean diputatu aukeratua izatea espero dut", esan du.

Maroto "aldaketa" gosez

Javier Maroto PPren Arabako hautagaiak eman du botoa, Beatriz Fanjul Bizkaiko hautagaiak ere halaxe egin du. Marotok arabarrak animatu ditu San Prudentzio jaiak izan arren botoa ematera, "Espainian aldaketa gertatu dadin".

Iglesias eta Rivera ere izan dira hauteslekuetan

Pabro Iglesias Unidas Podemoseko lehendakarigaia eta Albert Rivera Cidanosekoak ere eman dute beren botoa.

Gaurko bozketan "gehiengo aurrerakoia" bistaratzea espero duela esan du Iglesiasen, eta horretarko, parte hartzera deitu ditu herritarrak.

Riverak, berriz, "aro politikoaren aldaketa" gertatzea espero duela esan du. "Espainia indartsu eta batua" azalduko dela. Horregatik, gauzak aldea nahi dutenei botoa ematera joateko deia egin die, "denak berdin jarraitzea nahi ez dutenei".

Arazorik gabe doa eguna Hego Euskal Herrian.

-Araban 425 mahai ireki dituzte, eta 250.902 hautesle daude botoa ematera deituta.

-Bizkaian 1.396 mahai eta 909.871 hautesle.

-Gipuzkoan 846 mahai eta 556.209 hautesle.

-Nafarroan 976 mahai eta 483.718 hautesle.

Urkullu ere justizia soziala garatzeko xedez

Iñigo Urkullu Eusko Jaurlaritzako lehendakariak ere eman du botoa. Durangon eman du, eta Sancheze bezala, "justizia soziala" aipatu du: "Espero dezagun gaurko eguna baliagarria izatea demokrazian aurrera egiteko eta justizia sozialean garatu ahal izateko hiritarren bozkarekin".

Otegi, ERC-rekin, 15 diputaturen bila

Arnaldo Otegi EH Bilduko hautagaiak ere eman du botoa, Elgoibarren (Gipuzkoa). EH Bildu ERCekin batera aurkeztu da bozetara, eta Otegik argi esan duzein den helburua:

-Katalanen eta euskaldunen artean milioi bat boto batzea espero du, eta ondorioz 15 eserleku eskuratzea.

-EH Bilduk 200.000 boz zenbatzea.

📽 @ArnaldoOtegi: "Gaur argi ikusiko da olatu errepublikazale, feminista, ezkertzale eta independentista altxatuko dela". #A28 #erabaki #AurreraEgin pic.twitter.com/DNqWt3NXco

— EH Bildu (@ehbildu) 2019(e)ko apirilaren 28(a)

Gaiak eta eztabaidak

Hainbat gai garrantzitsutan hautagaiek dituzten proposamenak aztertu ditu BERRIAk hauteskunde kanpainan. Bilduma bat da hau.

Hautagaiak hasi dira botoa ematen

Pedro Sanchez Espainiako Gobernuburuak eta PSOEren hautagaiak dagoeneko eman du botoa. Madrilen egin du, eta bera izan hautagaietako aurrena.

Gehiengo zabal bat nahi duela nabarmendu du, eta herritarrek horretarako "mezu argia" ematea espero du. "Egonkortasuna" nahi du datozen lau urteetarako; aurrera egitea ahalbidetuko duen egonkortasuna, eta "justizia soziala" zartzeko lan egiteko modua emango diona

Hautagaiak

Zein dira Hego Euskal Herrik hautagaiak? Hona hemen zerrenda

Hiru aukera nagusi

Hiru aukera nagusi daude mahai gainean. Eskuinen batasuna, zentsura mozioa onartu zuen gehiengoa edo PSOE-Ciudadanos batura; aukera horietako zein den bideragarria zehaztuko dute gaur Espainiako Gorteetarako bozek. Inkestek diote euskal herritarrek bigarren aukera babestuko dutela, baina PSOEren nahia izango da erabakigarria.

Jon O. Urainen atarikoa

Ireki dituzte hautetsontziak

9:00etan ireki dituzte hautetsontziak Araba, Bizkai, Gipuzkoa eta Nafarroako hiri, herri eta auzoetan. 2,3 milioi euskal herritar daude deituta, eta haien botoekin 23 diputatu aukeratuko dituzte.