Hartzak

Hartzak artalde bati eraso egin diola salatu dute Uztarrozen

Nafarroako Gobernuko basozainek esan dute hilik agertu diren bi ardietako batek hartzaren erasoak eragindako zauriak izan daitezkeenak dituela.

'Sorita', Pirinioetako Parke Naturalean, Biarnon
'Sorita', Pirinioetako Parke Naturalean, Biarnon

Ibai Maruri Bilbao -

2019ko maiatzak 6

Uztarrozko (Nafarroa) artzain batek atzo topatu zituen bere artaldeko ardi bi hilik. Nafarroako Gobernuaren arabera, Claverina hartzaren erasoa izan daiteke. Basozainek ikusi dituzte, eta esan dute ardietako batek hartzaren erasoak eragindako zauriak izan daitezkeenak dituela. Bestea putreek janda dagoela esan dute. Claverinak astebetean egindako bigarren erasoa da Euskal Herrian. Joan den astean Larraineko (Zuberoa) laborari batek salatu zuen bere artaldeari eraso egin ziola hartzak: ardi bat hil zion. Erasoa astelehenean izan zen, apirilaren 29an.

Claverina joan den urrian Frantziako Gobernuak Esloveniatik ekarritako bi hartz emeetako bat da. Negua Aragoiko (Espainia) kobazulo batean igaro ondoren, martxotik dabil batera eta bestera. Apirilean iritsi zen Euskal Herrira: lehenengo Nafarroa aldean ibili da eta ondoren Zuberoara igaro zen.

Beste hartzak Sorita du izena. Joan den astean iragarri zuten Frantziako agintariek bi hartz kumerekin ikusi dutela Ardiden gailurraren inguruan (Sazosen, Pirinio Garaiak, Frantzia). Sorita-k eta Claverina-k geolokalizadorea duen lepoko bana dute. Hari esker jakin daiteke nondik ibili diren, baina ez dute unean uneko informaziorik ematen. Adituen arabera, Claverina tenperatura epelagoen bila etorri da Euskal Herrira. Adituek ez dute uste Sorita asko mugituko denik, kumeekin dabilelako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Paziente bat, ZIUan, osasuneko profesional baten arta jasotzen. ©Andoni Lubaki / Foku

Kutsatzeen katea ez da eten, eta goia jo du ospitalean daudenen kopuruak

Arantxa Iraola - Maddi Ane Txoperena Iribarren - Irati Urdalleta Lete

Nafarroan bigarren olatuko kutsatu kopururik handiena izan dute (578), eta Gipuzkoako kutsatze tasa 500 kasutik gorakoa da jada. Murrizketak Iparraldean ere: ostatuek 22:00etarako itxi beharko dute

Antigorputzak atzemateko testak, artxiboko irudi batean; immunitate sistemaren erantzuna neurtzen dute. ©ROBERT GHEMENT / EFE

Gaitzei aurre egiteko ahalmena

Arantxa Iraola

Sendo behar da immunitate sistema eritasunei aurre egiteko; izurriak lehen lerrora ekarri ditu gorputzaren babes mekanismoei buruzko jakingarriak. Aldagai askok eragiten dute

 ©ENRIC FONTCUBERTA / EFE
Iruñeko taberna atari bat, atzo. ©JESUS DIGES / EFE

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna