Kirola

Erremonte txapelketa


Berria Txapelketa

Ansa II.ak eta Arruartek lehendabiziko partidako beherakada gainditu dute

Berria Txapelketako partidetan, Ansak eta Arruartek 35-15 irabazi diete bigarren partida Segurola eta Zalduari, eta Etxarrik eta Agirrezabalak tanto bakarraren aldearekin irabazi diete Azpirozi eta Zubiriri.

Berria txapelketa aurrelarien erakustaldiekin hasi da.
Berria txapelketa aurrelarien erakustaldiekin hasi da. Maialen Andres Tamaina handiagoan ikusi

Iñigo Goñi Iradi -

2019ko maiatzak 19

Aldaketa batekin hasi zen bigarren jardunaldia Berria Txapelketan. Otaegi eta Garcesek jokatu behar zuten bere lehenengo partidua, baina Otaegik lesioa izan zuen Galarretara joan aurretik eta jardunaldia aldatu behar izan zen. 

Ansa eta Arruartek bere bigarren partidua eta ez zitzaien batere gaizki etorri jokatu behar izatea. Lehendabiziko jardunaldian 35-20 galdu zuten Juanenea eta Labakaren aurka, baina segituan eman diote buelta eta 35-15 gainditu zituzten Segurola eta Zaldua. Emaitza horrekin hiru puntura iritsi dira garaileak eta Segurola eta Zalduak puntu negatiboa dute A multzoan.

Ez zen Berria Txapelketako partidu bakarra izan. B multzoan ere jokatu zen partidua. Etxarri eta Agirrezabalak 34-35 garaitu zituzten Azpiro eta Zubiri bi bikoteen estreinaldian. Ezin berdinduago hasi da txapelketa multzo honetan. Bi bikote garaileak dituzte lau puntu eta bi galtzaileek bina dituzte. 

Partidu desberdinak izan ziren. Lehenengoan Ansa IIak partidu itzela jokatuta gorriak garaipenera gidatu zituen hasiera hasieratik. 13-6 aurreratu ziren eta abantailak gora egin zuen amaiera arte. 23 tanto eta akatsa bakarrarekin Ansa izan zen erremontistarik onena. 

Bigarren lehia parekatuago izan zen. Irabazleek, Etxarri eta Agirrezabalak, agindu zuten eta sei tantoko abantailak izan zituzten une askotan, baina bukaera hurbildu zenean gorriak gainera etorri ziren; 30-32 jarri eta 33na eta 34na berdindu zuten. Hala ere partiduko tantorik piloteatu eta luzenean urdinek asmatu eta garaipena lortu zuten. Borroka parekatuak ikusi ziren bai atzean eta aurrean, baina Etxarrik tanto bat gehiago egin zuen Azpiroz baino eta hor egon zen diferentzia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Jaka eta Altuna, pilota aukeraketan. ©Gorka Rubio / Foku

Txapela, sentimenen gainetik

Julen Etxeberria

Jokin Altunak eta Erik Jakak buruz buruko finala jokatuko dute gaur, Bilbon. Lagun minak dira, baina kantxan alde batean utziko dute euren adiskidantza, saririk handiena baitute jokoan
Ante Budimir Osasunako aurrelaria. ©Jesus Diges / EFE

Dorreen jiran eraikia

Eñaut Agirrebengoa

Osasunak aurrelari garaien alde egin du apustu, eta, horren ondorioz, bestela jokatzeari ekin dio. Esentzia berbera da, baina joko zuzenak garrantzi handiagoa du orain, 4-4-2 sistemaren barruan.

Mikel Oiartzabal, Cadizeko bi jokalari atzean utzi nahian. ©ROMAN RIOS / EFE

Utikan kasualitateak

Jon Ander De la Hoz

Realak eta Athleticek urratsak egiten segitu nahi dute, Vila-real eta Getafe azpiratuta. Txuri-urdinek aurkari zuzena dute Unai Emerik gidatutako taldea; hirugarren da ligan. Eibarrek Betis du kontrario

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna