Heriotza

Niki Lauda 1 Formulako gidaria hil da

70 urterekin hil da 1970eko eta 1980eko hamarkadetan 1 Formularen ikurretako bat izandakoa. 1976an, istripu larria jasan zuen Alemanian, eta erredura larriak utzi zizkion aurpegian eta gorputzean. Iaz, biriketako transplante bat egin behar izan zioten.

Niki Lauda, 2014ko argazki batean.
Niki Lauda, 2014ko argazki batean. HANS KLAUS TECHT/EFE.

Hodei Iruretagoiena -

2019ko maiatzak 21

1976ko abuztuaren 1ean izandako istripuak, aurpegian eta gorputzaren kanpoaldean ez ezik, biriketan ere eragin zion Niki Laudari (1949, Viena). "Ondorioak ez dira hainbeste azalekoak izan, baizik eta barrukoak", ekarri du gogora Laurentzi Garmendia BERRIAko adituak. Iazko abuztuan transplante bat egin behar izan zioten Laudari, ezustean, eta hainbat hilabete pasatu zituen ospitalean. Atzo hil zen 1 Formulako gidari ezaguna, familiak ohar bidez jakinarazi duenez: "Kirolari eta enpresari gisa lortutakoak ahaztezinak dira, eta izango dira".

Austriar gidariaren heriotza "galera handia" izan dela nabarmendu du Garmendiak: "Gidari gisa ausarta izan zen beti, baina segurtasun aldetik oso kontzientziatua". March taldearekin hasi zen 1 Formulan, eta 1974an fitxatu zuen Ferrarik. Hurrengo urtean irabazi zuen lehen 1 Formula lasterketa, eta 1976an ezbehar larria izan zuen Alemaniako sari nagusian, Nurburgring zirkuituan. 1977an eta 1984an ere irabazi zuen 1 Formula.


Clay Regazzoni (ezkerrean) eta Niki Lauda (eskuinean), Italian, 1975eko argazki batean. STF

Istripuaren ondorengo pasadizo bat kontatu du Garmendiak, segurtasunarekin zuen kontzientziaren adierazgarri. Besteak beste, begiak ondo itxi ezinda geratu zen Lauda ezbeharraren ondorioz, eta, euria ari zuen batean, uko egin zion jarraitzeari, irabazteko aukera izan arren. Izan ere, ezin zuen nahi bezala ikusi, eta segurtasuna lehenetsi zuen, laugarren txapelketa eskura izan arren. Garmendia: "Gaur egun segurtasun maila hau baldin badaukagu, neurri handi batean izan da hark emandako pausoengatik. Horrelako eragina duen pertsona bat gidatzen hasi eta prest ez dagoela esaten duenean, kasu egiten zaio. Adorea zuen gidatzean, eta baita pentsatzen zuena esateko ere".

Adore handia erakutsi zuen lehiaketara itzultzeko orduan ere. "Miragarria izan zen", BERRIAko adituaren hitzetan: "Erredura oso larriak izan zituen, eta fisikoki ere oso ukituta geratu zen, baina denek uste baino lehenago itzuli zen. Ez zen %100era egongo, baina paziente gisa oso txarra zela uste dut, eta guztiz osatu baino lehen han agertu zen Italiako sari nagusian. Horrek aukera eman zion bukaerara arte titulua lortzearren lehiatzeko".

Enpresari, aholkulari...

Autotik jaitsi ondoren ere ez zen geldi egotekoa izan Niki Lauda. Besteak beste, Lauda Air konpainia sortu zuen. Jaguar taldea 1 Formulara iristean, hura jarri zuten arduradun, eta beste talde batzuekin ere ibili izan da. 2012an, Mercedes taldeko aholkulari izendatu zuten, eta lan horretan aritu da azken urteetan. Garmendia: "Seguru nago gidarien arteko gatazkak-eta kudeatzean, izan duela bitartekari lan bat. Mercedesen arrakastaren parte ere bada, taldearen antolakuntzan pisua izan baitu".

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko Erruki Etxea Nafarroako zahar etxe handiena da eta han pandemiak eragin handia izan du ©Iñigo Uriz

Zahar etxeen tamaina eta kokagunea faktore erabakigarriak izan dira COVID-19aren eraginean

Berria

Nafarroako Gizarte Errealitatearen Behatokiak lurraldeko 74 zahar etxeetan eta 14 menpekotasun zentroetan pandemiaren olatuak izandako ondorioak ikuskatu ditu txosten batean, eta hainbat gomendio eman dizkio gobernuari.

Erizain bat, PCR proba bat egiten. ©SALAS / EFE

Bigarren fasera itzultzea aztertzen ari dira Azkoienen

Ion Orzaiz

Azken lau egunetan ehundik gora positibo atzeman dituzte herrian, eta "ezohiko neurriak" ezarriko dituztela iragarri du alkateak

Familia batzuk kanpoaldetik egoiliarrak bisitatzen, Mutiloako zahar etxe batean. ©Jagoba Manterola, FOKU

Zahar etxeetako bisitak eta egoiliarren ateraldiak, malguago

Uxue Rey Gorraiz

Zaharren egoitzetarako protokolo berria onartu du Jaurlaritzak. Zabaldu eginen dira zahar etxeetara bisitak egiteko aukerak, eta egoiliarrek malgutasun handiagoa izanen dute ateraldiak egiteko. Osasun sailburuak azaldu duenez, “ikuspegi epidemiologikoa eta etikoa” hartu dira kontuan neurriak berrikusteko.

PCR probak, Donostia ospitalean. ©Idoia Zabaleta, FOKU

Ospitaleratzeek gora egin dute azken egunean

Uxue Rey Gorraiz

Beste 662 koronabirus kasu detektatu dituzte azken egunean Hegoaldean, eta 47 lagun ospitaleratu dituzte, aurreko egunean baino hamahiru gehiago. Bost pertsona hil dira, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna