Denejakue bidea egiten ari zela, erromes bat hil da Ziortza-Bolibarren (Bizkaia), Eusko Jaurlaritzako Segurtasun sailak jakinarazi duenez. Gizonezkoak 76 urte zituen, eta bihotzekoak jota zendu da.
SOS Deiak zerbitzukoek abisua jaso dute 10:30eak aldera, gizonezko bat Bolibarko ermitan ondoezik zela ohartarazteko. Helikoptero bat eta anbulantzia bat bidali dute bertara, mediku taldea hura suspertzen saiatu da, baina ezin izan dute haren heriotza eragotzi.
Hildakoaren gorpua Bilboko Auzi Mediku Zerbitzura eraman dute, autopsia egiteko.
