Maiatzaren 4tik 25era, hamalau saio jokatu dira, bi multzotan banatuta, eta bakoitzean puntuaziorik handiena lortu duten hamazazpi bertsolariek egin dute aurrera.
A multzokoetan honako hauek sailkatu dira: Maider Arregi, Aitor Salegi, Jokin Uranga, Jokin Bergara, Amaia Iturriotz, Eneko Araiztegi, Eñaut Martikorena, Iñigo Gorostarzu, Eli Pagola, Unai Izagirre, Ane Zuazubiskar, Iban Urdangarin, Gorka Maiz, Ane Labaka, Beñat Jauregi, Odei Lopez eta Andoni Mujika.
B multzokoetan, berriz, hauek: Haritz Mujika, Iñaki Zelaia, Iñigo Izagirre, Unai Muñoa, Asier Azpiroz, Mikel Tapia, Oier Aizpurua, Iñigo Mantzizidor, Manex Mujika, Iker Ormazabal, Endika Igarzabal, Aratz Igartzabal, Unai Mendizabal, Aitor Urbieta, Oier Etxeberria, Ainhoa Agirreazaldegi eta Maialen Akizu.
34 bertsolari horiei, orain lau urteko txapelketan sailkatu ziren hamalau bertsolariak batuko zaizkie. Udazkenean izango da Gipuzkoako Bertsolari Txapelketa.