Gizon baten gorpua aurkitu dute Zumaiako (Gipuzkoa) Itzurun hondartzan, Eusko Jaurlaritzako Segurtasun Sailak berri eman duenez. 15:40 aldera atzeman dute gorpua herritar batzuek, uretan, eta larrialdi zerbitzuei eman diete abisu. Uretatik atera dute haiek, Ertzaintza eta batzorde judiziala iritsi arte. Autopsia egitera eraman dute gorpua; ez dute datu gehiago eman.
Beasainen desagertuta zegoen gizonaren gorpua aurkitu dute
Joan den astelehenean salatu zuen familiak desagertuta zegoela 70 urteko gizona. Olaberrikoa (Gipuzkoa) zen, eta astelehenean bertan, Beasaingo Arriaran auzoko urtegian haren autoa aurkitu zuten. Han aritu dira ertzainak bilaketa lanetan, eta gaur atzeman dute gizonaren gorpua, 13:30ean.
Urpean zegoen gorpua, eta handik atera ondoren, epailearen zain geratu dira, Eusko Jaurlaritzako Segurtasun Sailak jakinarazi duenez.