Albistea entzun

Literatura

'Derbia' eleberria plazaratu du Joan Mari Irigoienek

Futbolaren munduan girotutako kontakizun umoretsua da. Bizilagunak diren bikote bi dira protagonista; realzalea bata, eta athleticzalea bestea.

Joan Mari Irigoien idazlea, gaur goizean, Donostian.
Joan Mari Irigoien idazlea, gaur goizean, Donostian. Juan Carlos Ruiz / Foku

Itziar Ugarte Irizar -

2019ko maiatzak 30 12:56

1976an Oilarraren promesa (Gero) kaleratu zuenetik, obra oparoa osatu du Joan Mari Irigoienek (Altza, Donostia, 1948). Poesia eta haur eta gazteei zuzendutako literatura ere landu izan ditu, baina, batik bat, nobelagilea izan da Irigoien. Hala nabarmendu du Xabier Mendiguren Elkarreko editoreak, gaur goizean, idazlearen lan berria aurkeztean. Hamabosgarren eleberria argitaratu du: Derbia.

Badira urte batzuk Irigoieni esklerosia diagnostikatu ziotela. Hitz egiteko zailtasunak eragiten dizkio, eta Imanol anaiak irakurri ditu haren partez liburuaren gainekoak. "Derbia nobelarekin natorkizue, obraxka arin bat, arinkeriaz josia, jende bati irri-karkarak eragingo dizkiodan esperantzan. Ba ote da, izan ere, irri-karkara bat baino sendagarri hoberik gure ilunaldietarako?".

Joxe Mari Apaolaza Euskadi Irratiko kirol kazetaria ere izan da liburuaren aurkezpenean. Realzaleez nola athleticzaleez esan ohi diren topikoak liburuan "dantzan" dabiltzala aipatu du, eta zaletasun sutsu hori barregarri utziz erakitako satira bat dela. Futbolaren inguruan sortu ohi diren elkarrizketak, egoerak, ezinikusiak... ageri dira liburuan, ez dute lekurik, ordea, furbol jokalariek eta kirol jokoari dagozkienek. Lana irakurriaz ongi pasatzearekin batera, gogoetarako bideak ere topatu ditu Apaolazak: "Garbi ikusten da Irigoienek futbola maite duela, zelai barruko jolasa, baina jokoa ez, ez du maite; futbolak bere inguruan sortu duena, negozioak hartu duen bolumena... Horretaz guztiaz gogoeta egiteko ere balio izan dit niri".

Aurreko larunbatean argitaratu zuen Berria-k liburu aurrerapena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joanes Illarregi, bigarren final-laurdeneko irabazlea, gaur Arrasatek saioan. ©Andoni Canellada/FOKU

Joanes Illarregik irabazi du Arrasateko saioa

Miren Mujika Telleria

678 puntu bilduta lortu du lehen postua. Saioa Alkaiza izan du atzetik, bost punturen aldearekin.

Alaia Martin, gaurko saioa. ©Bertsozale Elkartea

Alaia Martinek irabazi du lehenengo final-laurdena

Miren Mujika Telleria

Nerea Elustondo sailkatu da bigarren Getxon (Bizkaia) jokatutako saioan

Laura Mora, <em>Los reyes del mundo</em> filmeko zuzendaria (eskuinean), filmeko lantaldeko kideekin, atzo, Kursaaleko amaiera galan. ©ANDONI CANELLADA / FOKU

'Los reyes del mundo'-k irabazi du Urrezko Maskorra

Ainhoa Sarasola - Mikel Lizarralde

Laura Mora zuzendari kolonbiarrak bere herrialdeko bost gazteren istorioarekin eskuratu du jaialdiko sari nagusia. Genki Kawamura japoniarrarentzat izan da Zuzendari onenaren Zilarrezko Maskorra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...