Beratik (Nafarroa) gertu, paperik gabeko hiru pertsona migratzailerekin Ipar Euskal Herrirako muga igarotzera zihoalakoan, Gipuzkoako herritar atxilotu du Guardia Zibilak. N121 errepideko kontrol batean gelditu dute gidaria, eta beste hiru lagunek dokumentaziorik ez zutela ikustean, haiek identifikatu eta gidariarekin zuten harremana ikertzen ari dira.
Polizien esanetan, diru truke ari zen atxilotutako gizona, eta atzerritarren eskubideen aurkako delitu bat leporatu diote. Polizia etxera eraman dute atxilotua, eta Espainiako Poliziaren Atzerriko Unitatearen esku utzi dituzte hiru migratzaileak.
