Jordi Sanchezek ezin izango du Felipe Borboikoarekin bildu, erregeak talde parlamentarioekin egitekoa duen bilera sortan. JxCk Sanchez bidali nahi zuen Espainiako erregearekin biltzera, baina Espainiako Auzitegi Gorenak ez dio espetxetik irteteko baimena emango. Auzitegiko magistratuen esanetan, JxCk arazorik gabe ordezka dezake Sanchez, talde parlamentarioko beste kide batekin. Zazpi parlamentari ditu JxCk. Horietako hori behin-behinean espetxeratuta daude, Kataluniako prozesu subiranistaren kontrako auziarekin lotuta.
Horrez gain, Gorenak dio Sanchezen eskaria "akats formal" batengatik ere baztertzea dagokiela, salbuespenezko espetxe baimenak ez dituelako auzitegi horrek ematen, Espetxe Zuzendaritzak baizik.
JxCk aurreratu zuen Sanchezek bilerara joateko baimenik ez badu, ez duela beste inor bidaliko. ERCk ere ez du ordezkaririk bidaliko Felipe Borboikoarekin biltzera.
