Kirola

Erremonte txapelketa


Berria Txapelketa

Hiru urnietar sailkatu dira Berria Txapelketako finalera

Ansa II-Arruarte eta Goikoetxea V-Aizpuruk lehiatuko dira txapelaren bila datorren larunbatean

Ansak finala jokatuko du datorren larunbatean.
Ansak finala jokatuko du datorren larunbatean. Maialen Andres

Iñigo Goñi Iradi -

2019ko ekainak 9

Berria Txapelketak datorren larunbatean jokatuko du finala eta gauza bat badakigu. Txapela Urnietara joango da bai edo bai, hiru herrikide sailkatu bait dira finalera. Ansa II eta Arruartek bikote urnietarra osatzen dute eta Goikoetxea V ere bertakoa da. 

Ansa II eta Arruartek Aldabe eta Larrañaga garaitu zituzten lehendabiziko finalerdian nahiko erraz, 24-35. Bigarren finalerdian berriz Juanenea lesionatu egin zen 27garren tantoa egin zuenean. Beste tanto bat egin ahal izan zuen eta 28-26 jarri markagailuan aurretik, baina kantxa utzi behar izan zuen sorbaldan min hartuta. Juanenea eta Labaka beraz kanporatuak izan ziren eta Goikoetxea V eta Aizpuru III finalera sailkatu dira. 

Lehendabiziko finalerdia parekatua joan zen hamarna arte, baina hortik aurrera urdinak jaun eta jabe izan ziren, batez ere Arruarteren partidu bikainaren ondorioz. Ansak ongi lagundu zuen aurrean hemeretzi tanto eginaz eta tantoetan abbantila ederra lortu zuten emozioa kenduz finalerdiari.

Bigarren finalerdian Juanenea eta Labaka bederatzi tantoren aldearekin joan ziren 23-14, baina gorriak suspertu eta 23na eta 24na berdintzea lortu zuten partidua. Ondoren etorri zen Juanenearentzat zoritxarreko jokaldia. Pilota bila joan eta sorbalda lurraren kontra kolpatu zen min hartuz. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna