TXIRRINDULARITZA

Froomek femurra hautsi du, eta ez da ariko Tourrean

Txirrindulari britainiarra babes-horma baten kontra jo da Dauphineko laugarren etapako erlojupekoa aztertzen ari zela.

Berria -

2019ko ekainak 12

Uztailaren 6an hasiko da Frantziako Tourra, Bruselan. Chris Froome (Ineos) ez da lehian izango, txirrindulari britaniarrak femurra hautsi baitu gaur. Froome babes-horma baten kontra jo da Dauphineko laugarren etapako erlojupekoaren ibilbidea aztertzen ari zela. Berehala eraman dute Roanne (Frantzia) inguruko ospitale batera. David Brailsford Ineos taldeko arduradunaren arabera, lesioa baieztatzen bada, Froome ez da ariko Frantziako Tourrean. 

Kolpe handia da ingelesarentzat, baina baita Tourrarentzat ere, lasterketa nagusi horretako izarretako bat baita. Ez da harritzekoa, 34 urteko ziklistak lau aldiz irabazi baitu, 2013an, 2015ean, 2016an eta 2017an. Iaz, berriz,hirugarren postuarekin konformatu behar izan zuen. Gerrait Thomas haren taldekide galesak irabazi zuen, eta Tom Dumoulin herbeheretarra (Sunweb) bigarren sailkatu zen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna