Bertsolaritza

'Bertsoaren harria' plazaratu du Koldo Izagirrek

Euskal Herrian barreiatuta dauden 21 bertso-harri irudietan eta hitzetan jaso ditu, eta bertsolaritzaren historiaren askotariko zatiez osatu du saioa, "hitzak bertsolaritzan duen adieran".

Koldo Izagirre idazlea, gaur goizean, Donostian.
Koldo Izagirre idazlea, gaur goizean, Donostian. Jon Urbe / Foku

Itziar Ugarte Irizar -

2019ko ekainak 13

Gaur goizean aurkeztu du Koldo Izagirre idazleak (Pasaia, Gipuzkoa, 1953) azken urtebetean ontzen aritu den lana: Bertsoaren harria. Lankurekin kaleratu du —"argitaletxe homologatuetan" kabidarik izango ez zuen susmopean—, eta bertako koordinatzaile Maite Agirrezabalagak "bertsoak eta eskulturak sortutako ondarea ikusarazi eta izan ziren garaietako gertakariak berreskuratzeko" balioko duen lan moduan deskribatu du argitalpena.

21 dira Euskal Herrian sakabanatuta dauden bertsolarien eskulturak; Araban salbu, gainontzeko beste sei probintzietan daude: Basarri Zarautzen (Gipuzkoa), Joan Etxamendi Luzaiden (Nafarroa), Mattin Ahetzen (Lapurdi), Balendin Enbeita Bilbon... Bertsolaritzaren ondare fisiko eta sinbolikoaren parte dira, eta hori gogoan osatu du kontakizuna Izagirrek: harriei eman die ahotsa, eta historiako pasarteak ekartzearekin batera, fikzioa ere baliatu du idazleak, narrazioa osatzerakoan ikusi dituen hutsuneak osatzeko. Egilearen hitzetan, "21 monologo dira", argazkiz lagunduta datozenak.

Iragan astean argitaratu zuen Berria-k liburuaren aurrerapen bat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna