Ertzaintza sexu abusu salaketa bat ikertzen ari da Lasarte-Orian (Gipuzkoa), emakume batek jarritako salaketaren harira. Mugimendu feministak elkarretaratzea deitu du biharko, 18:30ean, Okendo plazan, erasoa salatzeko. Lasarte-Oriako Udalak ere erasoa gaitzetsi du, eta bat egin du mugimendu feministaren deialdiarekin.
Udalak adierazi duenez, emakumea Euskotrenen geltokiaren ondoan zegoen gizonezko bat bapatean ikutuak" egiten hasi zaionean, baimenik gabe.
"Emakumeen aurkako edozein indarkeria mota –fisikoa, psikologikoa, ekonomikoa, sexuala– bortxaketa eta oinarrizko giza eskubideen urraketa da", adierazi du Udalak. Erasoa jasan duen emakumeari Gizarte Zerbitzu, Berdintasun, Kooperazio eta Osasun arloko udal baliabideak eskaini dizkio.
Udalak nabarmendu duenez, "indarkeria matxistak gure gizartean lekurik ez izatea ez da bakarrik erakunde publikoen lana, herritar guztiena baizik".