Elkarlanean ariko dira EHZ jaialdia, BERRIA eta 'Badok' ataria

 

Berria -

2019ko ekainak 14

Ekainaren 28tik 30era bitartean egingo da aurten EHZ festibala, Irisarrin (Nafarroa Beherea). Azken urteetan hasitako bidetik, jaialdiarekin elkarlanean jardungo dute BERRIAk eta 'Badok' atariak; festibalerako sarreretan beherapenak eskainiko zaizkie BERRIAlagunei.

Misio eta balioetan bat egiten dutelako berretsi dute elkarlanerako asmoa, beste urte batez, EHZ jaialdiak, BERRIAk eta 'Badok' atariak. "EHZ, BERRIA eta 'Badok', denok helburu berarekin gabiltza, denok Euskal Herriko jendea gara, eta garrantzitsua da elkarlana, garai batean 'lepotik helduta' esaten zen bezala ibiltzea. Gaurko akordioa horren froga bat da", adierazi du Martxelo Otamendi Berriako zuzendariak, gaur goizean, Andoaingo (Gipuzkoa) Martin Ugalde Parkean egindako agerraldian.

Euskal Herria Zuzenean jaialdiko hiru ordezkari ere izan dira bertan: Kamila Gracien, Inhar Iraizotz eta Julen Oillarburu. Euskararen eta euskal kulturaren aldeko konpromisoan, aurtengo edizioan lehentasuna euskal taldeei eman dietela gogorarazi dute. Musikaz harago, egunean zehar beste hamaika ekitaldi ere egingo dituzte; tartean, eztabaidarako guneari garrantzia eman diotela azaldu dute. Bost ardatzen inguruko saioak antolatu dituzte: feminismoa, aisialdia, burujabetza, G7a eta migrazioa.

Gaur aurkeztutako elkarlanaren barruan, BERRIAlagunei %20ko deskontua eskainiko zaie jaialdiko hiru egunetarako bonoan, eta %15ekoa egun bakarreko sarreretan —astelehenean deskontu kode bat bidaliko zaie BERRIAlagunei, email bidez—. Horrekin batera, BERRIAlagun berriak egiteko kanpaina abiatuko da hurrengo egunetan, eta BERRIAlagun egiteagatik, hiru egunetako bonua oparituko da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna