Pilota

San Fermin feria: bederatzi egun Labriten

Nafarroa Arenan ez da partidarik jokatuko, eta Jon Mariezkurrena da berritasuna binakako torneoan.

Sanfermin ferian parte hartuko duten pilotariak, aurkezpen ekitaldian.
Sanfermin ferian parte hartuko duten pilotariak, aurkezpen ekitaldian. Baiko Pilota Tamaina handiagoan ikusi

Imanol Magro Eizmendi -

2019ko ekainak 17 15:42

San Fermin pilota feriak bederatzi egun eta hamar jaialdi izango ditu aurten, eta uztailaren 6etik 14ra jokatuko da. 6an hasiko da, binakako bi enpresa partidarekin. 7an, aldiz, bi jaialdi jokatuko dira. Goizean, ohiko denez, lau eta erdiko torneoko finala jokatuko da goizetik, eta binakako torneoko lehen partida jokatuko da arratsaldean. Torneo horrek osatuko du feriaren bizkarrezurra. Sei bikotek hartuko dute parte, bi multzotan banatuta, eta finala 14ean izango da. 13an ardoaren desafioa jokatuko da, lau eta erdiko, binakako eta buruz buruko partida banarekin.

Bikoteei dagokienez, Jon Mariezkurrena da berritasun nagusia. Binakako txapelketan oso maila ona eman zuen, eta sanferminetan Mikel Urrutikoetxearekin ariko da. Beraien multzoan egongo diren beste bi bikoteak hauek dira: Altuna III.a-L.Galarza eta Ezkurdia-Zabaleta. Beste multzoan hiru bikote hauek egongo dira: Olaizola II.a-Albisu; Bengoetxea VI.a-Imaz; eta Irribarria-Martija. Beñat Rezustaren hutsunea deigarria da, azken bi urteetan hark irabazi duelako torneoa.

Feria guztia Labrit pilotalekuan jokatuko da. Aspek eta Baiko Pilotak, momentuz, baztertu egin dute Nafarroa Arenara joateko aukera. Lau eta erdiko finaleko jaialdian sarrera eskaera Labriteko eserleku kopurua baino askoz handiagoa izan ohi da, baina ez dute Iruñeko pilotaleku handira jauzia eman.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Eibarren eta Realaren arteko gaurko partida. ©@RealSociedadFEM

Merezitako berdinketa Gipuzkoako derbian

Iñigo Lasa

Bina amaitu da Realaren eta Eibarren arteko derbia. Lau goletatik hiru partidako azkeneko hamar minutuetan sartu dituzte.

Willian Jose, gol bat ospatzen. ©Alejandro Garcia / Efe

Willian Josek Wolverhamptonen jokatuko du denboraldi amaierara arte

Berria

Realak ofizial egin du azken egunetan ahoz aho ibili dena. Ingalaterrrako taldeak aurrelaria erosteko aukera izango du denboraldi amaieran.

Bartra Betisekoa eta Oiartzabal Realekoa lehian, lehen itzuliko neurketan. ©JULIO MUÑOZ / EFE

Merkatuaz landa, liga

Jon Ander De la Hoz

Realak Betis jasoko du gaur, jokalarien sartu-irtenen zurrunbiloaren erdian. Willian Jose deialditik at geratu da

 ©Jon Urbe / Foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.