Larunbat goizean Etiopiako armadaburu Seare Mekonnen jeneralarekin biltzekoak ziren Amhara estatuko agintariak, eta bilera hori baliatu zuten kolpistek matxinatzeko Iturri ofizialen arabera, Mekonnen jeneralaren bizkartzain bat izan da hura tirokatu duena.
Armadaburuaz gain, estatuko gobernadore Ambachew Mekonnen eta haren aholkulari bat ere hil dituzte. Armadako iturriek, ordea, adierazi dute "kontrolpean" dituztela matxinatutako militarrak. Asamnew Tsige jeneral disidentea egin dute kolpearen erantzule, eta haren bila dabiltza militarrak.
Duela astebete inguru Tsigek berak esan zien herritarrei armak har zitzatela "beren buruak defendatzeko". Hark zuzentzen duen mugimenduaren helburua da Tigrai, Afar, eta Benishangul-Gumuz eskualdeak eta Eritreako zenbait eremu batzea. Duela hamar urte ere egin zuen antzeko ahalegin bat, eta espetxeratu egin zuten.
