Katalunia eta Espainia

Espainiako Auzitegi Gorenak Luxenburgori galdetuko dio Junquerasen zigorgabetasunari buruz

Europako Batasuneko Juztizia Auzitegiari Junquerasen europarlamentari izaerari buruz eta zigorgabetasunari buruz galdetzeko tramiteak hasi ditu.

Oriol Junqueras, pantailan, Espainiako Auzitegi Goreneko epaiketa saio batean, eta auzipetutako buruzagi independentisten aldeko jarraitzaileak saioa ikusten.
Oriol Junqueras, pantailan, Espainiako Auzitegi Goreneko epaiketa saio batean, eta auzipetutako buruzagi independentisten aldeko jarraitzaileak saioa ikusten. Marta Perez/EFE

Gorka Berasategi Otamendi -

2019ko ekainak 25

Espainiako Auzitegi Gorenak bidea hasi du Luxenburgori Oriol Junqueras Kataluniako presidenteorde kargugabetuaren zigorgabetasunaz galdetzeko. Junqueras eurodiputatu hautatu zuten joan den maiatzaren 26ko hauteskundeetan, baina ezin izan zuen parlamentari akta jaso, Auzitegi Gorenak ez ziolako baimenik eman espetxetik irten eta Espainiako Hauteskunde Batzordearen aurrean aurkezteko. Gorenak Europako Batasuneko Justizia Auzitegiari galdetuko dio Junquerasen egoerari buruz.

Galdea egin aurretik baina, auzitegiak derrigorrezkoa du aldeei beren iritzia eskatzea. Horixe egin du gaur. Hiru eguneko epea eman die beren jarrera eta argudioak azaldu ditzaten.

Junquerasen defentsak eskatu zion auzitegiari Luxenburgora jotzea, Junquerasen egoera argitze aldera. Fiskaltza, baina, kontra agertu da. Azaldu duenez, europarlamentariei dagozkien "pribilegioak eta zigorgabetasuna" karguaz jabetzen direnean sartzen dira indarrean —Europako Parlamentuak uztailaren 2an egingo duen osoko bilkuran hartuko duten europarlamentari kargua hautatuak izan direnek—. Beraz, Fiskaltzaren arabera, Junquerasi ez dagokio zigorgabetasun egoera, Europako diputatu aukeratua izan den arren. Kontrako iritzia du defentsak. Haren iritziz, diputatu hautatua izan den momentutik dagokio zigorgabetasuna Junquerasi.

Junquerasek erregu helegitea aurkeztu ondotik hartu du erabakia Gorenak. Politikari kataluniarraren defentsak helegitea aurkeztu zuen Hauteskunde Batzordaren aurrera joateko baimena ukatu izanaren kontra. Junquerasek auzitegiari eskatu dio behin-behinean indargabetzeko baimenaren debekua eta jo dezala Europako Batasunaren Justizia Auzitegira, har auzia argitu dezan.

Zapateroren deia

Jose Luis Rodriguez Zapatero Espainiako presidente ohiak telefonoz hitz egin zuen Junquerasekin, Kataluniako prozesu subiranistaren kontrako epaiketaren aurretik. Hala jakinarazi du Zapaterok berak, RAC1 irratian egin dioten elkarrizketan. Azaldu duenez, minutu bakarreko deia izan zen, eta Junquerasek elkarrizketaren aldeko jarrera berretsi zion.

Auzitegi Gorenak auzipetutako buruzagi independentistak zigortuko balitu, Espainiako Gobernuak indultuak ematearen aldeko ote den galdetuta, Zapaterok erantzun du indultuak aztertzearen aldekoa dela, buruzagi independentistek eskatzen badituzte.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna