Abadiñoko Udalak (Bizkaia) jakinarazi duenez, herriko gizonezko bat hamahiru urteko espetxe zigorrera zigortu du Espainiako Auzitegi Gorenak, Abadiñoko hiru emakumeren kontrako "etengabeko sexu indarkariagatik". Ohar batean azaldu duenez, hiru biktimetako bi adingabeak ziren erasoak pairatu zituzten bost urteetan.
Udalak gaitzetsi egin du eraso "larria", eta "babes osoa" eskaini die hiru emakumeei. Adierazi die haien eskura jartzen dituela behar dituzten udal baliabide guztiak.
Halaber, biktimen hitza auzitan jarri dutenen jokabidea salatu du udalak. Biktimei bizitakoak eragin dien mina "areagotu" dutela nabarmendu du.
Durangaldeko mugimendu feministak eta Abadiñoko Udalak elkarretaratzera deitu dute astelehenerako, hilak 8. 20:00etan egingo dute, Txanporta plazan.
