Gizonezko batek bere emazteari eraso egin zion, atzo, etxean zirela. Eusko Jaurlaritzako Segurtasun sailak azaldu du borra batekin jo zuela buruan eta labana batekin lepoan zauritu zuela. Ertzaintzak atxilotu egin du erasotzailea. 64 urteko gizonezkoa da.
Ertzaintzak 15:30 aldera jaso zuen abisua, eta etxebizitzara iritsi zirenean bizilagun baten etxean aurkitu zuten emakumea. Senarrarengandik ihesi hartu zuen babes han. Emakumea odoletan zegoen. Poliziari jakinarazi zion senarrak borra batekin kolpatu zuela. Ondoren aurkeztu zuen salaketan, lepoan labana bat sartu zioela ere adierazi zuen.
Erasoa jasan zuen biktima Gurutzetako ospitalera bidali zuten anbulantzia batean, medikuek artatu ondoren.
Bitartean, Ertzaintzak erasotzailea atxilotu zuen, bikotearen etxebizitzan. Gaur epailearen esku utziko dute.