Enpresak

CAFek 192 milioi euroko kontratua lortu du Milanen

250 autobus elektriko Solaris saldu dizkio ATM Milano garraio operadoreari. Eragile horrek hiriko diesel autobus guztiak kentzeko helburua jarri du 2030. urterako.

Solaris etxeko 'Urbino' autobus elektrikoak.
Solaris etxeko 'Urbino' autobus elektrikoak. CAF

Xabier Martin -

2019ko uztailak 10

Beasaingo CAFek Poloniako Solaris autobus enpresa erostean bete-betean asmatu duela gero eta garbiagoa geratzen ari da autobus elektrikoen merkatuak bizi duen oparotasuna kontuan hartuz. Euskal konpainiak ohar batean azaldu du 192 milioi euroko kontratu handia egin duela ATM Milano garraio operadorearekin. 250 autobus elektriko Solaris hornituko ditu Italiako hiri finantzarioaren diesel autobus guztiak kentzen laguntzeko.

CAF 40 autobuseko lehen sorta 2020ko ekainean entregatzen hasiko dela jaso dute kontratuan. Proiektu horri esker, Solarisek autobus elektrikoen segmentuan Europako lider gisa duen posizioa sendotu duela dio euskal konpainiak. Izan ere, ATM Milanorekin egindako esparru-akordioa Solarisek orain arte lortu duen handienetako bat da. Ez alferrik Europan autobus elektrikoak fabrikatzeko proiektu handiena da.

Hala, Italiako operadoreak 2030. urtea baino lehen diesel ibilgailuak kentzeko egindako apustu irmoak agerian utzi du Solarisen Urbino modelo elektrikoan dagoen konfiantza Europan. Milanek aukeratutako ibilgailua Urbino 12 elektrikoa da. Horixe da Solarisen produktu ezagunena. Europako hamazazpi herrialdetako dozenaka bat hiritan ibiltzen da jadanik. Bistakoa den moduan, horrek agerian uzten du garraio arloko agintariek ibilgailuan jarritako konfiantza. Modelo horrek  "Bus of the Year 2017” saria jaso zuen.

Hamabi metroko Urbino elektrikoa Solaris High Energy motako bateriekin ekipatua dago, eta 240 kWh baino gehiagoko gaitasuna dauka. Bateria horien energia elektrikoa pantografoaren zein autobusen biltegian dagoen entxufe bidezko gailuaren bidez birkargatzen da.

Milanek 2014an ezagutu zituen estreinakoz Solaris etxeko autobusak; gaur egun marka horretako 150 autobusek (motor elektrikoa duten 25 autobus daude) eskaintzen dute zerbitzua Italiako Lonbardiako hiriburuan.

Solarisen erosketa

2018ko irailean itxi zuen CAF Taldeak Solaris enpresa erosteko akordioa. Poloniako autobus ekoizleak 450 milioi euro baino gehiagoko fakturazioa izan zuen 2018. urtearen itxieran eta, ekitaldi hartan, 1.226 ibilgailu hornitu zituen. Horien artean, autobus konbentzionalak (diesel eta GNC) eta e-mobility lerroko ibilgailuak; azken horiek gero eta kopuru handiagoan. Segmentu horretan, gainera, Solarisek irtenbideen gama zabala du (hibridoak, trolebusak, bateria, hidrogenoa). Solaris enpresa gehituta, CAF Taldea hiriko autobus jasangarrien segmentuan merkatuko gaur egungo liderretako bat da.

Autobus elektrikoaren merkatuan sendo ari da, era berean, beste euskal enpresa bat: Irizar. Ormaiztegiko kooperatibak salmentak igotzen ari dela erakutsi du aurreko hilean egindako kontratu sorta batek. Kooperatibak zero isuriko 20 ibilgailu elektriko saldu ditu Madrilen, eta beste hamahiru Gasteizen. Hain zuzen, CAFi gailendu zaio Gasteizko eskaera handiaren lehian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako kasuen oldarraldiari lotuta

Beste 11 positibo zenbatu dituzte Ordiziako kasuen oldarraldiari lotuta

Arantxa Iraola

Denera 69 kasu daude lotuta positibo multzo horrekin; Tuterakoekin, berriz, 31

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna