Kurdistango Eskualde Autonomoko Asayish segurtasun zerbitzuak eman du erasoaren berri, eta Turkiako Atzerri Ministerioak berretsi egin du informazio hori. Turkiako Hurriyet egunkariaren arabera, jatetxeko jabeak erran du "zibil arropaz" jantzita zegoen pertsona batek bi pistolarekin tiro egin diela Turkiako kontsulordeari eta harekin zeudenei.
Erasoa ez du inork bere gain hartu, eta ez eskualde autonomoko agintariek, ezta Turkiakoek ere, ez diote talde jakin bati egotzi. Recep Tayyip Erdogan Turkiako presidenteak Twitter bidez gaitzetsi du atentatua, eta haren bozeramaile Ibrahim Kalinek erran du "beharrezko erantzuna" emanen dietela "azpikeriazko eraso honen egileei".