Baztandarren Biltzarra

Heldu da Baztango egun handia

Orgen desfilea, dantzak, bazkaria eta musika izango dira igandean Elizondon egingo duten Baztandarren Biltzarrean.

Iazko Baztandarren Biltzarreko irudi bat. /
Iazko Baztandarren Biltzarreko irudi bat. / Idoia Zabaleta/Foku

Arantxa Elizegi Egilegor -

2019ko uztailak 19

1963an egin zuten Elizondon lehen Baztandarren Biltzarra. Bailara osatzen duten hamabost herrietako biztanleak elkartzea zen egun hartako helburua. Mende erdia igaro da ordutik, eta herritarrentzako jaiak ere izan ditu aldaketak.

Aurten, Euskal Herri osoko musikari eta dantzariak ez ezik, diasporatik etorritakoak ere gonbidatu dituzte antolatzaileek. Igandean Elizondon egingo den jaian izango dira, besteak beste, San Francisco Basque Culture Centerreko kideak, Chino Basque Clubekoak edota Fresno Basque Clubekoak. Haietako asko jatorriz baztandarrak.

Orgak desfilera irteten direnekoa izan ohi da, hala ere, eguneko tarterik garrantzitsuenetariko bat. Aurten, Bidelagun elkarteko kideei eskaini zaie desfilea irekitzeko aukera, landa eremuan laguntzeko helburuz sortutako elkartekoei. Era horretan, antolatzaileek omenaldi txikia egin nahi izan diote elkarte horri.

Bestalde, herritarrei, neskei zein mutilei, dei egin diete mutil dantzan parte hartzera, eta ohartarazi aurten ere ez dutela babestuko mutil dantza baztertzailerik. "Ezinbestekotzat jo dugu denek festaz gozatzeko aukera izatea", nabarmendu dute antolatzaileek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: