13:20ak aldera gertatu zen ezbeharra. Hogei hilabeteko haur bat laugarren solairutik erori zen Gueñesko (Bizkaia) etxebizitza batean. Larrialdi zerbitzuak eta Ertzaintza joan ziren bertara.
Segurtasun Sailak jakinarazi duenez, larrialdi zerbitzuko langileak haurra suspertzen ahalegindu ziren, baina ezin izan zuten ezer egin. 15:30ak aldera ziurtatu zuten txikiaren heriotza.
Ertzaintzaren helikoptero bat ere gerturatu zen ezbeharra izan zen lekura, haurra ahalik eta azkarren lekualdatzeko asmoz. Zoritxarrez, ez zen beharrezkoa izan. Ez da jakin nola erori zen laugarren solairutik.
