Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Donostiako 67. Zinemaldia

Roberto Gavaldon zinemagilearen hogei film erakutsiko ditu Zinemaldiak

Donostiako 67. Zinemaldiak zinemagile mexikarrari eskainiko dio aurtengo atzera begirakoa. 1945etik 1974ra zuzendutako lanak erakutsiko dituzte. Liburu monografikoa ere argitaratuko dute.

Roberto Gavaldon zinemagilearen hogei film erakutsiko ditu Zinemaldiak
Roberto Gavaldon zinemagilearen hogei film erakutsiko ditu Zinemaldiak Tamaina handiagoan ikusi

Ainhoa Larrabe Arnaiz -

2019ko abuztuak 1

Donostiako Zinemaldiaren lehen aldian, bertan izan zen Roberton Gavaldon (1909-1986) zuzendaria, Acuérdate de mí (1953) filma aurkezten. 66 urteren ondoren, berriz erakutsiko da lana, zuzendari mexikarraren atzera begirakoaren zikloa egingo baitu Zinemaldiak irailaren 20tik 28ra. Gavaldonek ondutako hogei film erakutsiko dituzte orotara; tartean, 1953ko lehen jaialdian aurkeztutakoa. Espainiako Zinematekarekin elkarlanean antolatu dute zikloa, eta, horrekin batera, zinemagileari buruzko monografiko bat ere argitaratuko dute. Quim Casas eta Ana Cristina Iriartek koordinatuko dute lana.

Donostiako Zinemaldiko kideek azaldu dutenez, erakutsiko dituzten hainbat film Mexikoko Zinematekako Nazionalak eta Mexikoko unibertsitateko UNAM filmotekak zaharberritu dituzte. Honako hauek dira erakutsiko dituzten 20 filmak: La barraca (1945), La otra (1946); La diosa arrodillada (1947); Rousauro Castro (1950); En la palma de tu mano (1951): El rebozo de Soledad (1952); La noche avanza (1952); Acuérdate de vivir (1953); Camelia (1954); Sombra Verde (1954); Aquí está Heráclito Bernal (1958); Miércoles de ceniza (1958); Flor de Mayo (1959); Macario (1960); Días de otoño (1963); El gallo de oro (1964); Rosa Blanca (1972); Don Quijote cabalga de nuevo (1973); eta, azkenik, La madrastra (1974).

La barraca filma izan zen Gavaldonek zuzendu zuen lehen lana. Vicente Blasco Ibañez idazle espainiarraren izen bereko nobelaren egokitzapena egin zuen zinemagileak, eta 1936ko gerraren ondorioz Mexikon erbesteratu ziren hainbat teknikarik parte hartu zuen ekoizpenean. Filmak arrakasta handia lortu zuen, eta irabazle nagusia izan zen Mexikon urte hartan bertan martxan jarritako Ariel sarietan. Beste 33 film ondu zituen, gerora. Zuzendari mexikarrak melodrama landu zuen gehien.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / @FOKU

«Ez dakit hau zerbaiten aurrekaria izango den; nahiko nuke»

Ane Eslava

Anarik kontraste handiko single batean bildu ditu bi kantu: Nacho Vegasen 'Vinu, cantares y amor'-en bertsio bat, «himnotzat» duena, eta, 'Efemerideak, kontzertuetan jotzen duena baina grabatu gabea zuena'.
 ©MAIALEN ANDRES / @FOKU

Ahalduntze baterako esperimentu politikoa

Gorka Arrese

Henry David Thoreau idazlearen 'Walden' euskaratu du Danele Sarriugartek. Bi urtez basoko txabola batean bizitzeari buruzko esperientziaren kronika bat da. Politikoa eta poetikoa du idazkera
Iban Zaldua, atzo, <em>Nola izan garen gauza</em> liburua eskuetan hartuta. ©MAIALEN ANDRES / FOKU

«Gauzaren» bueltako obra oso bat

Andoni Imaz

Iban Zalduak euskal gatazkaren inguruan idatzi dituen ipuinen bilduma bat egin du: 'Nola izan garen gauza'. Erein etxeak eman du argitara
Langile bat paper sortak mugitzen, Leitzaran inprimategian, Andoainen (Gipuzkoa). ©JAGOBA MANTEROLA / FOKU

Urrialdia pasatzeko zain

Andoni Imaz

Paperaren eskasiak eta banaketaren gorabeherek arazoak sortu dituzte inprimategi eta argitaletxeetan. Materiala aldatu behar izan dute, eta argitalpenen bat atzeratu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.