Albistea entzun

Literatura

Toni Morrison idazle eta ekintzailea hil da

Atzo hil zen, 88 urte zituela. Literatura Nobel saria jaso duen lehen emakume afroamerikarra da Morrison; 1993an jaso zuen.

Toni Morrison idazle eta ekintzailea hil da
Toni Morrison idazle eta ekintzailea hil da

Ainhoa Larrabe Arnaiz -

2019ko abuztuak 6 07:09

Emakumea eta beltza. Zapalkuntzaren ertzak gertutik ezagutu zituen Toni Morrisonek (Ohio, AEB, 1931-New York, 2019); hain zuzen, ertz horiek guztiak erdigunera eramateagatik da ezaguna. 1960ko hamarkadako Black Power mugimenduak zuzenean busti zuen Morrison. Eskubide zibilen aldeko borrokan eta arrazakeriaren aurkako mugimenduetan jardun zen, eta horrek isla izan zuen bere ibilbide literarioan. Arraza, sexu eta klase gatazkak ardatz hartuta ondu zituen eleberriak, eta, jatorri errealista duten eta sarritan ahozko tradiziotik jasotako istorioak biltzearekin batera, fantasia ere uztartu izan du guztietan. 11 eleberri idazteaz gain, haur literatura eta hainbat antzerki pieza ere ondu zituen; opera libreto bat ere egin zuen. Idazlea soilik ez, Albanyko eta Princetoneko unibertsitateetako irakasle eta New Yorkeko argitaletxe bateko zuzendaria ere izan da Morrison. Gaur jakinarazi dute atzo hil zela, New Yorkeko ospitale batean.

1970ean idatzi zuen The Bluest Eye, lehen eleberria. Morrisonek kolpea eman zuen hasieratik; bai estilo aldetik, baita bertan kontatutako istorioaren aldetik ere. Pecola izeneko haur beltz baten istorioa bildu zuen bertan; begi urdinak izan nahi ditu, eta aitak bortxatu eta zoratu egingo da. Gero etorri ziren Sula (1973), Song of Salomon (1977) eta Tar Baby (1981). 1987an argitaratu zuen Beloved (1987), bere libururik sonatuenetako bat; 1988an, eleberriak fikziozko Pulitzer saria jaso zuen. Gerora, Jonathan Demme zinema zuzendariak eleberria zinemarako egokitu zuen. Esklabotzaren gaia zuen nobelak ardatz, eta Margaret Garner estatubatuarraren istorioan oinarritu zen —bere alaba esklabo bihurtu aurretik, Garnerrek hura hiltzea erabaki zuen—. Errealismoa eta fantasia; Morrisonek bi-biak elkartu zituen eleberrian. Honela laburtzen zuen idazleak, Baby Suggs liburuaren protagonistetako baten ahotan, hirurogei urtez esklabo eta hamar urtez libre izan ondoren zioena: “Munduan zorte txarra ez, zuri-jendea dago”. Anton Garikanok euskaratu zuen Maitea lana, 2005ean, Alberdania argitaletxearekin. Morrisonek eleberri hori kaleratu eta gutxira argitaratu zituen hurrengo lanak: Jazz (1992) eta Paying in the Dark (1992). Handik urtebetera jaso zuen Literaturaren Nobel saria, 1993an. Paradise (1997), Love (2003), Home (2012) eta God help the child (2015) dira utzi dituen azken liburuak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eñaut Zubizarreta musikaria, atzo, Ahotsenea gunean. ©ARITZ LOIOLA / FOKU

Bat, bi, bat, bi, hiru, lau

Iñigo Astiz

Murrizketekin ere, aurten Durangoko Azokako guneek berreskuratu egin dituzte beren programak, eta, murrizketak murrizketa, poza azaldu dute arduradunek, berriz ere jendeari aurrez aurreko saioak eskaini ahal izateagatik.

Ibai Aizpuruari beka emateko agerraldia. Ezker eskuin, Nerea Mujika, Ima Garrastatxu, Aizpurua eta Lorea Arakistain. ©Durangoko Azoka

‘Barraka’ euskarazko abentura bideo jokoak irabazi du Durangoko Azokako laugarren sormen beka

Ainhoa Sarasola

Ibai Aizpurua diseinatzaile eta programatzaile irundarrak eskuratu du 15.000 euroko laguntza, urtebeteko epean bere proiektua garatzeko. Heldu den urteko azokan aurkeztuko du emaitza.

 ©LARA MADINABEITIA / BERRIA

«Sortzailea hari honetan alderik makalena da, maiz zaintzen ez dena»

Andoni Imaz

Lagunak dira Morales eta Landabaso; biak Bilbotik etorri dira Durangora. Morales saltzera etorri zen lehenengoz, eta Landabaso, umea zela. Urte osoan erosten ez dituzten bitxikerien bila etortzen dira gaur egun.

Maia Iribarne eta Paxkal Irigoien musikariak eta <em>Bañolet</em> websailaren egileak, atzo, Durangoko 56. Azokan. ©ARITZ LOIOLA / FOKU

Heldu bilakatzearen konkista

Itziar Ugarte Irizar

Maia Iribarnek eta Paxkal Irigoienek 'Bañolet' websailaren aurrerapena aurkeztu dute, iaz sormen beka irabazi ondotik. Bederatzi kantuko diskoa ere kaleratu dute: 'Bañolet kantuz'

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.