Igeriketa

Mikel Bildosola igerilaria, munduko txapeldun

Urrezko domina irabazi du 35 urtetik gorakoen Fina Munduko Txapelketan. 2017. eta 2018. urteetan ere irabazi egin zuen proba hori.

2019ko abuztuaren 13a
20:51
Entzun

Munduko Txapelketa irabazi du berriz ere Mikel Bildosola 36 urteko getxoztarrak. Urrezko domina lortu du 35 urtetik gorakoen FINA Munduko Txapelketan. Hego Korean izan da final handia, eta Bildosola estilo libreko 100 metrokoan izan da txapeldun.

Casey Flouch australiarra eta Andrei Kurnosov errusiarra izan ditu aurkari. Txapelketako errekor berria ezarri du: 51 segundo eta 93 ehunen. Hurrengo egunetan, estilo libreko eta tximeletako 50 metroko probetan parte hartuko du getxoztarrak, eta domina gehiago eskuratzeko aukera izan dezake.

2017. eta 2018. urteetan ere irabazi egin zuen Fina Munduko Txapelketa, estilo libreko 100 metroko probetan. 2017an, esaterako, Darian Towsend (AEB) olinpiar txapeldunari nagusitu zitzaion.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.