Albistea entzun

Donostiako Zinemaldia

'The Song of Names'-ek itxiko du Donostiako Zinemaldia

François Girardek zuzendu eta Tim Roth, Catherine McCormack eta Clive Owen ditu protagonista.

'The Song of Names' filma.
'The Song of Names' filma. Donostiako Zinemaldia Tamaina handiagoan ikusi

Berria -

2019ko abuztuak 20

The Song of Names filmaren nazioarteko estreinaldiak itxiko du Donostiako 67. Zinemaldiko Sail Ofiziala, lehiaketaz kanpo, irailaren 28an. Tim Roth, Catherine McCormack eta Clive Owen aktoreak dira filmaren protagonistak. François Girard quebectarrak zuzendu du oinarri historiko eta musikala duen drama hori, eta Howard Shorek sortu du soinu-banda. Le violon rouge (1998), Silk (2007) eta Boychoir (2014) filmen egilea da Girard.

Kanada, Erresuma Batua eta Hungaria arteko koprodukzio bat da filma, eta Norman Lebrecht idazlearen izen bereko eleberrian dago oinarrituta. Bederatzi urte dituenean, Martinek Dovidl ezagutuko du: biolina jotzeko talentu harrigarria duen judu poloniar bat, II. Mundu Gerra piztu ondoren Londresen errefuxiatu dena. Debuta egin aurretik, baina, arrastorik utzi gabe desagertuko da Dovidl, eta lotsa eta hondamena ekarriko dio familia osoari.

François Girardek (1963) aurrez ere zuzendu ditu musikaren inguruan ardaztutako zenbait lan. Thirty Two Short Films About Glenn Gould filmean (1993), originaltasunez hurbildu zen Glenn Gould piano jotzaile talentudunaren benetako bizitzara, eta ondoren, Le violon rouge-n, mendeetan eta kontinenteetan zehar eskutik eskura bidaiatzen duen biolin baten bidea irudikatu zuen. Gainera, Boychoir filmean haur abesbatzako zuzendari zorrotz baten istorioa kontatu zuen Dustin Hoffman aktorearen bidez. Alessandro Bariccok idatzitako Zeta eleberri ospetsuaren egokitzapen zinematografikoa egiteagatik ere ezaguna da Girard.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©KIKO HUESCA / EFE

Kantuaren pentsalaria hil da

Mikel Lizarralde

Franco Battiato musikari italiarra zendu da, 76 urterekin. Musika esperimentalaren esparruko irakaspenak pop formatura eraman zituen, eta arrakasta handia lortu
Zazpi hilabetez egona da zerraturik Baionako Atalante zinema independentea. Hala ere, lotura hertsia izan du bere publikoarekin. ©GUILLAUME FAUVEAU

Film anitz, pantailak murritz

Ainize Madariaga

Egun irekiko dituzte berriz ere zinema aretoak Lapurdin, Nafarroa Beherean eta Zuberoan. Zazpi hilabetez atera gabeko filmak metatu dira, eta programatzaileak kezkatuak dira.
Montero, Kulumbegaxvili, Iriarte eta Beloki, gaur, Donostiako Tabakalera zentroan. ©Jon Urbe / Foku

Dea Kulumbegaxvili zinemagilea film bat prestatzen ari da Donostian

Andoni Imaz

Hiru astez egongo da Tabakaleran, bigarren film luzearen gidoia lantzen, Donostiako Zinemaldiak eta Elias Kerejeta Zine Eskolak gonbidatuta. Zinemaldiko lau sari nagusi irabazi zituen iaz Dasatskisi / Beginning filmarekin.

 ©IDOIA ZABALETA / FOKU

«Herriak biktimak maite behar ditu»

Amaia Igartua Aristondo

Minaz eta sufrimenduaz dihardu, oro har, Goikoetxearen azken lanak: 'Herriak ez du barkatuko'. ETAk hildako gizon baten alaba da narrazioko protagonista nagusia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.