G7koen goi bilera Miarritzen

Beste hiru gazte eraman dituzte atxilotuta Santiago zubitik

Santiago zubian bertan jarri dute kontrola, eta Lapurdira zihoazen hiru gazte Irun alderan eraman ditu Espainiako Poliziak. Donostia Ospitaleko aparkalekuan langileen gune bat gorde dute, behar izanez gero, helikopteroek lur hartzeko.

Espainiako Polizia gazteak geratzen,gaur, Santiago zubian.
Espainiako Polizia gazteak geratzen,gaur, Santiago zubian. BERRIA

Berria -

2019ko abuztuak 25

Irungo Harrera Sareak ohartarazi zuen, astearen hasieran, G7aren harira, "kontrol hertsiak erabatekoak" direla migratzaileentzat; "baina ez haientzat bakarrik". Eguneroko ogia da migratzaileentzat muga pasatu nahi eta ezina, atxiloketak, identifikazioak, itzulketak...

Herenegun, esaterako, identifikazio baten eta itzulketa baten lekuko izan zen BERRIA, Hendaian (Lapurdi). Egunotan ez bezala —Santiago zubitik 200 bat metrora zeuden poliziak—, gaur, Santiago zubian bertan jarri dute kontrola Espainiako eta Frantziako Poliziek. Gaur bertan, beste hiru gazte atxilotu dituzte, eta Irun aldera eraman dituzte Espainiako Poliziaren auto batean, BERRIAk ikusi ahal izan duenez.


Poliziak, gazte bat miatzen, Santiago zubian, Lapurdirako bidean, gaur. BERRIA

Langileen zatia, helikopteroarentzat

G7koen goi bilkura dela eta, kontrol eta prebentzio neurri handiak hartu dituzte erakundeek. Behin eta berriz ohartarazi dute muga ixteko arriskuaz, eta eten egin dituzte garraio zerbitzu asko ere. Donostiako Ospitalean, esaterako, gune bat gorde dute aparkaleku nagusian langileei dagokien zatian, helikopteroek lur hartzeko aukera izan dezaten. Normalean, Intxaurrondoko suhiltzaileen gunean lur hartu ohi dute, eta handik anbulantziaz eramaten dituzte pazienteak larrialdietara.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna