Kirola

Erremonte txapelketa


Buruz Buruko Kutxabank Torneoa

Urriza da Kutxabank Torneoko lehenengo finalista

30-20 irabazi zuen Iruñako aurrelariak Barrenetxearen aurka eta lider amaitu du ligaxka

Urriza nagusi da buruz burukoan eta finalera sailkatu da.
Urriza nagusi da buruz burukoan eta finalera sailkatu da. Maialen Andres

Iñigo Goñi Iradi -

2019ko irailak 1

Buruz Burukoak ezagutzen du lehenengo finalista eta espero bezala Javier Urriza txapelduna izango da. Txapela sei aldiz irabazi duen erremontista zazpigarrenaren bila irtengo da irailaren 14an. 

Finalerako bidean Barrenetxea gainditu zuen 30-20 ligaxkako bosgarren partiduan berriz ere oso serio eta nagusi aritu zen. Hasieratik hartu zuen aurre 5-0 eta nahiz eta Barrenetxea tanto batera eta bira hurbildu; 5-4 eta 11-9, abantaila handitu eta erraz mantendu zuen lortutako hamar tantoren alde hori. 

Pilotean eta sakean gehiago izan zen hernaniarra baino. Hamasei eta hamar tanto egin zituen piloteoan eta sakearekin. Gainera harresi bat izan zen defentsan eta erasoan ez zuen pilotarik galdu. Horrela oso zaila da bera gainditzea eta Barrenetxea saiatu zen arren ez zuen bere helburua lortu.

Aurretik estrategia ladatuko zuela aipatu zuen. Jokoa nahaaten saiatu zen gauza desberdinak eginez, baina Urrizak erantzun ona eman zuen beti. Bere ahulgune bakarra sakearekin egindako hiru faltak izan ziren. 

Garaileak hamabi punturekin amaitu du ligaxka eta Barrenetxeak seirekin. Hernaniarrak ziurtatuta du finalerdia eta orain aurkariaren zain dago. Endika eta Ansaren arteko seigarren eta azkenengo partiduak erabakiko du bigarren sailkatua finalerdirako. Endikak 24 tanto egin ezkero bera izango da erremontista hori. Ansak 24 tanto azpitik uti behar du saldistarra. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna