Kirola

Erremonte txapelketa


Buruz Buruko Kutxabank Torneoa

Endika izango da Barrenetxearen aurkaria larunbateko finalerdian

Saldiastarrak 30-22 irabazi dio Ansa II.ari, eta bigarren postuan amaitu du ligaxka.

Endikak aukera izango du larunbatean finalera sailkatzeko.
Endikak aukera izango du larunbatean finalera sailkatzeko. Maialen Andres

Iñigo Goñi Iradi -

2019ko irailak 3

Endika Urrutia da finalerdietarako sailkatu den azken erremontista. 24 tanto behar zituen egin azken partidan Ansa II.aren aurka, baina ez zuen lortu hori bakarrik, baita hura garaitzea ere: 30-22. 

Hala, Urrizak zuzenean jokatuko du Kutxabank Torneoko finala, lehenengo postuan amaitu du-eta ligaxka. Endikak amaitu du bigarren, zortzi punturekin, eta Barrenetxea izan da hirugarren, seirekin. Horiek biek jokatuko dute larunbatean bertan finalerdia. Ansa kanporatua geratu da, punturik gabe. 

Ansak ongi hasi zuen partida, 0-2 eta 3-7 aurreratuta, baina, hortik aurrera, Endika zerbait hobea izan da jokoaren alde guztietan, eta merezitako garaipena lortu du. 9-8 aurrera zen lehenengo aldiz, eta, hamabina jarri eta gero, ez zuen inoiz aurrea utzi.

Sei tantoren aldea lortu zuen 20 eta 14koan, eta, hain justu, sailkatzeko bidea eman zion 24. tantoarekin etorri zen partidako alderik zabalena: 24 eta 14. Ansak lortu zuen bost tantora hurbiltzea, 26-21, baina ez zen nahikoa izan sailkatzeko, ezta partida irabazteko ere. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna