Lekarozko Kortaria gaztandegiak eskuratu du Ordiziako gazta lehiaketako sari nagusia, bigarrenez jarraian. Julen Arburua artzainaren gazta izendatu du epaimahaiak lehiaketako gaztarik onena. Ohiko enkantean, 9.000 euro ordaindu dituzte gazta irabazlearen erdiarengatik. Donostiako Betijai Berria jatetxeak eskuratu du.
Bigarren saria Ordiziako Joseba Insaustirentzat izan da, eta hirugarrena, Ander Barandiaran idiazabaldarrarentzat.
