TXIRRINDULARITZA

Higuitak irabazi du Vueltan, eta Roglic da lider oraindik

Euskadi Fundazioko txirrindulari ohiak ihesean irabazi du 18. etapa. Roglic, Valverde, Lopez eta Majka elkarrekin iritsi dira, eta handik minutu batera ailegatu dira Quintana eta Pogacar

Berria -

2019ko irailak 12

Sergio Higuita 22 urteko txirrindulari kolonbiarrak kalitatea sobera duela erakutsi zuen Euskadi Fundazioan. Horregatik berreskuratu zuen berehala Education First taldeak. Eta gaur agerian utzi du etorkizunean zeresan handia eman dezakeela. Etapa bikaina egin du. Lehenik, eguneko ihesaldian sartu da; gero, erasoa jo du Morcuera mendateko bigarren jaitsieran; azkenik, ondo eutsi dio aldeari, nahiz eta atzetik sailkapen nagusiko oilarrak jo eta ke aritu. Azkenean, bakarrik helmugaratu da Becerril de la Sierran (Espainia)

Handik hamabost segundora iritsi dira Primoz Roglic (Jumbo), Alejandro Valverde (Movistar), Rafal Majka (Bora) eta Miguel Angel Lopez (Astana). Haiengandik minutu eta segundo batera ailegatu dira Carl Fredik Hagen (Lotto Soudal), Louis Meintjes (Dimension Data), Nairo Quintana (Movistar) eta Tadej Pogacar (UAE). Sailkapen nagusian, Roglic da lider oraindik. 2.50era dago Valverde, 3.31ra Quintana, 4.17ra Lopez eta 4.49ra Pogacar. 

Ostiralean, 19. etapa jokatuko dute, Avila eta Toledo artean (Espainia). 165,2 kilometrokoa da, eta ia laua da. Hala ere, asteazkenean gertatu moduan, haizeak triskantza eragin lezake. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna