Albistea entzun

Argazkilaritza

Errealitate bikoiztuak

Sandro Miller argazkilariak omenaldia egiten die argazkilaritzaren historiako izen handiei, Donostiako San Telmo museoan gaurtik zabalik dagoen erakusketan. Millerrek hainbat argazki ikoniko berregin ditu, John Malkovich aktorearen laguntzaz.

San Telmo museoko erakusketan ikusgai dauden hainbat argazki.
San Telmo museoko erakusketan ikusgai dauden hainbat argazki. Juan Carlos Ruiz / Foku

Ainhoa Sarasola -

2019ko irailak 13

Sandro Millerrek 16 urterekin jakin zuen argazkilaria izan nahi zuela, Irving Pennen lana deskubritu zuenean. Argazkilaritzaren historiako artista kanonikoen liburuekin hasi zuen prestakuntza, autodidakta moduan neurri handi batean. Eta munduko publizitate argazkilaririk onenetakotzat hartzen dute egun. Hiru hamarkada geroago, bere lanean eragina izan zuten sortzaile horiei guztiei omenaldia egiteko gogoa piztu zitzaion, eta gogo horren emaitza da Sandro Miller. Malkovich, Malkovich, Malkovich. Argazkilaritzako maisuei omenaldia izena daraman erakusketa. Haien guztien hainbat argazki ikoniko berregin ditu Millerrek, aspaldiko laguna duen John Malkovich aktorearekin batera. Donostiako San Telmo museoko Labortegian jarri dute irudi sorta ikusgai, eta gaurtik azaroaren 17ra arte bisitatu ahalko da.

Irving Penn, Bert Stern, Dorothea Lange, Robert Mapplethorpe, Annie Lebovitz, Diane Arbus, Richar Avedon eta beste hainbat artistaren irudiak berregin ditu Millerrek. Azaldu duenez, irudi bakoitza sakon aztertu du, xehetasun guztiak bere horretan jaso nahian. Eta gaineratu du ezinbestekoa izan dela Malkovichek erretratuetako pertsonaia bakoitzaren larruan jartzeko egin duen lana . Millerren irudietan, Truman Capote, Marilyn Monroe, John Lennon, Alebrt Einstein, Che Guevara eta Andy Warhol bihurtuta ageri da aktorea, beste askoren artean. Erakusketan umore ukitua ageri bada ere, argazkilariak adierazi du proiektua oso serio hartu zutela, bai berak, bai Malkovichek, eta “perfekzioa” bilatu dutela une oro.

“Errealitatearen bikoizketa bat ematen da irudiotan”, gehitu du Anne Morin diChroma Photographyko zuzendari eta erakusketaren komisarioak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Aizpuru aktorea, <em>Loreak</em> filmeko eszena batean. ©JON URBE / FOKU

AMONATXOAREN IDEIA ZARTATZEN

Olaia L. Garaialde

Zaharrak eta zahartzaroa modu askotara irudikatu daitezke zineman eta antzerkian; BERRIAk gai horri buruz gogoetan jarri ditu zenbait aktore eta zinemagile. Batzuek nabarmendu dute gero eta pertsonaia gehiago sortzen ari direla, nahiz eta asko rol jakin batzuetara mugatuta egon.

Irene Nemirovsky. ©BERRIA

Literaturaren maleta galduak

Joannes Jauregi

Aurten laurogei urte dira Irene Nemirovsky idazlea Auschwitzen hil zutela. Haren 'Suite frantsesa' eleberriak naziek Frantzia okupatu zutenekoa kontatzen du.

James Baldwinen irudiarekin egindako muntatzea. ©ANE GARCIA
Girlschool taldeko Kim McAuliffe, herenegun, Bilbon. ©MONIKA DEL VALLE / FOKU

Girlschool, bigarren lerroan duin

Gotzon Hermosilla

Girlschool taldeak Music Legends jaialdian jo zuen herenegun, Bilbon, eta rock gogorraren eremuan lau hamarkada baino gehiago iraun duen ibilbideari errepasoa egin zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...