Bihar Berrian

Udazken koloreko bazterrak

Hasi da eguna mozten, haizea freskatzen eta paisaia aldatzen. Argazkilari baten, kirolari baten, idazle baten eta gida baten udazkeneko txoko maiteenak jorratuko ditu bihar ‘Bizigiro’-k.

Aralarko Osinberde putzua (Zaldibia, Gipuzkoa).
Aralarko Osinberde putzua (Zaldibia, Gipuzkoa). Igor Etxabe

Izaro Zinkunegi Barandiaran -

2019ko irailak 20

Uda amaitzear da eta udazkena ate joka hasi da: kolore gorria hartuko dute hostoek eta haize harroak biluztuko ditu zuhaitzak. Errekek eta ibaiek gora egingo dute, euria eta ekaitzak iritsi ahala. Badira udazkenaz gozatzeko hamaika bazter Euskal Herrian, nola mendi inguruetan hala hirigunetik gertu ere. Euren toki maiteenak zein dira azalduko dute bihar Ander Olaizola argazkilariak, Oihana Azkorbebeitia mendi lasterkariak, Iker Iriarte gidak eta Aurelia Arkotxa idazleak Bizigiro sailean.

Dantzak ere izango du tartea; hain zuzen, Oinkari dantza taldeko sei kideren egunerokoa jorratuko du Bizigiro-k. Gazteak dira, 15 urte bueltan dituzte. Ikasten ari dira oraindik, baina dantzari profesionalen bizimodua dute: Euskal Herrian eta handik kanpo ibili dira udan, Korrontzi Dantzan eta Laida Pilota ikuskizunetan dantzatzen.

Zinemaren atalean, Agur Etxebeste filmaren nondik norakoak aletuko ditu Gontzal Agotek. Asier Altuna eta Telmo Esnalen lana labetik atera berria bada ere, 2005ean du ernamuina: Aupa Etxebeste! filma egin zuten urte hartan; familia baten oporraldi xelebrea zuten kontakizun. Orduko aktoreek jokatuko dituzte oraingoan ere filmeko protagonisten rolak.

Gastronomian, berriz, Berako (Nafarroa) Sarobe okindegi eta gozotegia ezagutzeko aukera izango dute irakurleek. Haien lana egiteko moduaz gain, gozotegian dasta daitezkeen produktuak ere aurkeztuko dituzte Sarobekoek; hala nola, ogiak, opilak edo txokolatezko gozoak.

Astebururako planik egin ez dutenek, berriz, proposamen ugari topatuko dituzte egunkarian; tartean, Europako Ondarearen Egunak izango dira Lapurdin, Nafarroa Beherean eta Zuberoan. Bisitak, tailerrak, ikuskizunak eta beste hainbat ekintza egingo dituzte. Urriaren amaierara arte izango da ondareaz gozatzeko aukera, hurrengo asteetan hartuko baitute lekukoa Nafarroak, Gipuzkoak, Arabak eta Bizkaiak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna