Dokumentala

Arantzazuri buruzko dokumenala ondu du Nabarraldek

Ostegunean estrainatuko dute Arantzazu, harriz herri dokumentala.

Dokumentalaren aurkezpena, gaur, Arantzazun. BERRIA
2019ko irailaren 24a
10:12
Entzun

Hamalau apostolu daude Arantzazuko santutegian. Atearen gainean, alderdik alde. Jorge Oteizak egindakoak dira apostoluak, baina, 15 urte baino gehiago egon ziren beren lekura iritsi ezinik, debekuak tarteko. Gertaera horretatik abiatuta, Arantzazuri buruzko dokumentala egin du Nabarraldek, "Gipuzkoako basilika nagusiak memoria leku bezala duen garrantzia azpimarratuz".

Angel Rekalde Nabarraldeko zuzendariak azpimarratu du Arantzazu "memoria leku garrantzitsu bat" izan dela. "Bere oinarriak, harriz harri, artearen eta kulturaren gain eraiki ditu, eta batez ere, herriarekiko konpromisoa erakutsi du". Garai hura jasotzen du dokumentalak, "Artea eta euskara, kultura oro har, euskaldunen babesleku bilakatu zireneko garaia, hain zuzen".

Arantzazu, harriz herri dokumentala ostegunean estreinatuko dute, 19:30ean, Hernanin (Gipuzkoa), Orona Ideoko auditorioan. Euskaraz emango dute, gaztelerazko azpitituluekin. Miren Mindegiagak egin du dokumentaleko gidoia eta Jesus Iriartek errealizazioa. Elkarrizketatuen artean daude Juan Ignazio Larrea goardianoa, Elena Martinez Oteiza Fundazioa Museoko kontserbatzailea eta Pello Zabala fraidea.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.