Bihar Berrian

Udazkeneko uzta, urte osorako

Pikuak, pikillo piperrak, sardinak eta Errezil sagarrak heldu dira, udazkenarekin batera. Haien zaporeak urte osoan dasta daitezke, ontziratuz gero. Kontserbak egiteko sekretuak jorratuko ditu bihar ‘Bizigiro’-k.

Olatxuko laboreak izenpean egindako produktuak.
Olatxuko laboreak izenpean egindako produktuak. Monika Del Valle / Foku

Izaro Zinkunegi Barandiaran -

2019ko irailak 27

Udazkeneko produktuak iritsi dira fruta-arbola, baratze eta itsasoetara. Bizitza motza dute gehientsuenek, baina badira hura luzatzeko aukerak ere: piku marmelada egiten du Haizea Bengoetxeak Gamiz-Fikan (Bizkaia), Olatxuko laboreak izenpean; pikillo piperrak erre eta kontserbak egiten ari dira Josu Iturri eta konpainia Arroitzeko (Nafarroa) Iturri enpresan; sardinak ontziratzen dituzte Romain Matxikotek eta haren lankideek Donibane Lohizuneko (Lapurdi) Batteleku kontserbategian; Errezil sagarraren dultzea egiten hasiko dira egun gutxi barru Jone Irulegi eta Errezilgo Azokako gainerako kideak (Gipuzkoa). Haien berri emango du bihar Bizigiro-k.

Udazkeneko produktuekin kontuekin jarraituz, Sagar Uztaren jaia ospatuko dute igandean Astigarragan (Gipuzkoa). Azoka, dastaketak, erakustaldiak eta beste hainbat jarduera egingo dituzte. Ekoizleek adierazi dute sagar urte ona izango dela aurtengoa, uzta beranduxeago iritsiko bada ere.

Gastronomiaren orrian, ostera, Claus Meyer sukaldaria izango da protagonista. Donostiako Basque Culinary Centerren izan da egunotan Danimarkako Noma jatetxearen sortzailea. Munduko jatetxerik onena izan da lau urtez, Restaurant Magazine aldizkariaren arabera. Meyerrek sukaldaritza eskola bat eta jatetxe sozial bat ere jarri ditu martxan Bolivian. Hango proiektuaren nondik norakoak jasotzen dituen A taste of sky filma botako dute gaur Donostiako Zinemaldiko Culinary Zinema atalean.

Zinemak ere izango du tartea; Joker filmaren berri emango du Gontzal Agotek. Todd Philipsek zuzendu du, eta Batmanen arerio nagusi izandako Joker da pelikulako protagonista. Joaquin Phoenix aktoreak jokatzen du haren rola.

Telesailen atalean, berriz, Undone ikus-entzunezkoa aletuko du Mikel Yarzak. Raphael Bob-Waksberg eta Kate Purdy dira animaziozko lanaren sortzaileak. Hogei minutuko zortzi atalekin osatu dute telesaila.

Azkenik, asteburuko agenda hitzorduak jorratuko ditu Bizigiro-k; tartean, Santurtzin (Bizkaia) egingo duten Sardinera Egunaren berri emango du. Itsasoari lotuta lan egin duten emakumeak omenduko dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiari 1813an su eman ziotela oroitzeko Dora Salazarrek egindako eskultura, maskara jantzita ©JUAN CARLOS RUIZ / FOKU

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna