Frantzia

Sarkozy epaitu eginen dute 'Bygmalion auziarengatik'

Kasazio auzitegiak ez du onartu Frantziako presidente ohiaren helegitea, eta 2012ko presidentetzarako hauteskundeetako kanpainan finantzaketa irregularra izan ote zuen argitzeko epaiketa eginen dute.

Nicolas Sarkozy Frantziako presidente ohia, atzo, Jaques Chiracen omenezko ekitaldian.
Nicolas Sarkozy Frantziako presidente ohia, atzo, Jaques Chiracen omenezko ekitaldian. CHRISTOPHE PETIT TESSON/EFE

Mikel Rodriguez -

2019ko urriak 1

Helegiteen ondorioz, bi urte eta erdi behar izan dira argitzeko Nicolas Sarkozy Bygmalion auziarengatik epaituko ote duten ala ez. Kasazio auzitegiak baiezkoa erabaki du; hortaz, presidente ohiak aurre egin beharko dion bigarren auzia izanen da, aitzinetik Bismuth izenekoan baitago epaiketaren esperoan —ustelkeria eta influentzia trafikoa leporatzen dizkiote—. Hil honen 17an, berriz, Parisko Helegite Auzitegiak erabaki beharko du ea onartuko duen ala ez 2007ko kanpaina ustez irregularki finantzatu zuelako egin zioten salaketaren aurka Sarkozyk paratu zuen helegitea; onartu ezean, hirugarren epaiketa baterako bidean paratuko luke.

Bygmalion-en epaiketan argitu beharko dute Herritarren Mugimenduaren Aldeko Batasunak (UMP) eta Bygmalion komunikazio enpresak faktura faltsuak sortu ote zituzten 2012ko presidentetzarako bozen kanpainarako, 20,5 milioi euroko gainkostua ezkutatzeko; izan ere, alderdiek gehienez 22,5 milioi euro gasta ditzakete kanpainan. Hauteskunde horiek François Hollande PS Alderdi Sozialistako hautagaiak irabazi zituen, bigarren itzulian Sarkozyri gailenduta.

Joan den ekainean, berriz, Kasazio Auzitegiak baieztatu zuen Sarkozy Bismuth auziagatik epaituko dutela, Frantziako presidente ohiaren helegite bati uko eginda; epaiketa horrek ere zeresan handia emanen du, Sarkozy bilakatuko baita agintean zegonenean izandako ustelkeria akusazioengatik epaituko duten V. Errepublikako lehen presidentea —influentzia trafikoa ere egotzi diote—. Akusazioaren arabera, Frantziako presidente ohiak zin egin zion Kasazio Auzitegiko epaile bati ahal zuena egingo zuela Monakoko postu garrantzitsu bat lortu zezan, trukean hari buruz sekretupean zegoen informazio bat helarazten bazion.

Jacques Chirac da auzitegi batek zigortu duen V. Errepublikako presidente bakarra; agintea utzi eta lau urtera zigortu zuten (2011), baina Parisko alkatea zenean (1977-1995) egindako ekintzengatik —fikziozko enpleguak sortuz diru publikoa desbideratzea egotzi zioten—. Bi urteko espetxe zigorra ezarri zioten, baina ez zuten kartzelan sartu. Joan den astean zendu zen Chirac, 86 urterekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna