HEZKIDETZA

Skolae programaren bi teknikari, epailearen aurrean berriro

Hezkuntzako profesionalei babesa adierazi diete CCOO, CGT, ELA, ESK, LAB, Steilas eta UGT sindikatuek, baita Geroa Bai, EH Bildu eta Ahal Dugu-ko ordezkariek ere.

Dozenaka pertsona elkartu dira Nafarroako auzitegiaren aurrean, protesta egiteko.
Dozenaka pertsona elkartu dira Nafarroako auzitegiaren aurrean, protesta egiteko. IÑIGO URIZ / FOKU Tamaina handiagoan ikusi

Ion Orzaiz -

2019ko urriak 9

Nafarroako Auzitegian deklaratzera deituak izan dira Skolae programaren diseinuan parte hartu zuten bi hezitzaile. Hezkidetza programaren aurkako salaketa jarri zuten Iruñeko ikastetxe erlijioso bateko familia batzuek, eta horien abokatuek eskatuta igaro dira hezitzaileak epailearen aurretik, testigantza ematera.

Saioaren aurretik, elkarretaratzea egin dute Hezkuntza alorreko sindikatu gehienek: CCOO, CGT, ELA, ESK, LAB, Steilas eta UGTk. Horien izenean, "Berdintasunaren aldeko manifestua" irakurri dute LABeko Eloy Tatok eta Steilaseko Uxue Lasak. "Konpromiso osoa" agertu diote Skolae programari, eta baita "hori gauzatu duten profesionalei ere".

Skolae programa "egungo lege esparruan egoki doituta" dagoela nabarmendu dute. Zehazki, azaldu dute Skolaek bat egiten duela Gizonezkoen eta Emakumezkoen Berdintasunerako LO 3/2007 legeak, Genero Indarkeriaren Prebentziorako LO1/2004 legeak, LGTBI+ Pertsonen Berdintasun Sozialerako 8/2017 Foru Legeak eta Emakume eta Gizonen Berdintasunerako Legeak diotenarekin.

"Araubide horiek guztiek argi eta garbi erakusten digute ezinbestekoa dela ikastetxeetan bultzatzea eta lantzea berdintasunaren aldeko heziketa, aurre eginez desberdintasunari, genero rolei, adierazpen sexistei; eta erakusten digute heziketak desagerraraziko dituela biolentzia, bazterkeria eta bereizkeria, datozen lekutik datozela", esan dute Tatok eta Lasak.

Sindikatuek "kezka" adierazi dute, jazarpen judizialaz gainera, zenbait talde politikok erakutsitako jarreragatik: "Kezkatuta gaude, epaitegietatik jasotzen ari den jazarpenaz gain, azkenaldian hartu diren zenbait erabaki politikok zeharo baldintza dezaketelako Skolae ikasgeletara egoki iristea. Adibide argi bat da Hezkuntza Departamentuko  Berdintasun Saileko burua, Pilar Mayo, kargugabetu izana".

Hori dela eta, gobernuari eskatu diote berma dezala "programa bere osotasunean ezartzen dela , edukian eta prozesuan inolako mugarik jarri gabe".

Maria Solana: "Egoera hau surrealista da"

Protestarekin bat egin dute hainbat ordezkari politikok ere; besteak beste, Maria Solana Geroa Baiko parlamentaria eta Hezkuntza kontseilari ohia, Bel Pozueta hezitzaile eta EH Bilduko zerrendaburua Espainiako hauteskundeetan, Patri Perales EH Bilduko parlamentaria, eta Ainhoa Aznarez Ahal Dugu-ko eleduna eta Nafarroako Parlamentuko lehendakari ohia. Ez dira azaldu, ordea, Hezkuntza Departamentuko egungo ordezkari politikoak.

Egoera "surrealista" dela esan du Maria Solanak: "Berriz ere babestu behar ditugu Skolaeko teknikariak, burugabekeria honetatik. Harrigarria da bi egun barru Unescok Parisen sarituko duen hezkidetza programa bat hemen judizializatu nahi izatea". Pilar Mayoren kargugabetzeagatik atsekabea azaldu du ere: "Mayo eta haren lantaldea lehen mailako profesionalak dira, eta ospe handikoak. Ez zegoen talde hori desegiteko motibo objektiborik".

Solanak onartu du erabaki hori "ez dela itxaropena pizteko modukoa", baina ziur da hezkidetza programa ezarriko dela, "hala jasota baitago akordio programatikoan, zurian beltz".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Gaurko Ministro Kontseiluko irudi bat. ©Espainiako Gobernua

Alarma egoera onartu du Espainiako Gobernuak, sei hilabeterako luzatzeko asmoz

Edu Lartzanguren

Eusko Jaurlaritzako eta Nafarroako Gobernuko buruek edukiko dute egoera kudeatzeko eskuduntza, eta erabaki propioak hartzeko aukera. Elkartzeko eskubidea mugatuko du Espainiak, eta etxeratzeko agindua ezarriko du gauean. Urkulluk eta Txibitek ontzat jo dute erabakia.

Zumaiako Aitzuri pilotalekuan egingo dituzte PCR probak. ©Baleike

Zumaian, Ermuan eta Mallabian baheketak egingo dituzte astelehenetik

Berria

Hiru herrietan, 13 eta 40 urte arteko biztanleei eskatu diete PCR proba egiteko, izurria kontrolatze aldera. Mallabiko herritarrek Ermuara joan beharko dute proba egitera. Getarian ez dute baheketarik egingo.

 ©JON URBE / FOKU

«Onartezina da bihar txertoa heltzea eta horretaz gogoetarik egin gabe egotea»

Arantxa Iraola

Txertoa lortzeko ikerketek, hura jartzeko garaia heltzen denerako ezarri behar diren irizpideek, itaun etiko ugari ekarri dituzte. Horietaz gogoetan ari da Ausin, eta, oro har, izurriaren inguruko auzi etikoez. Hitz hau darabil usuenik: «Gardentasuna».

Jaten emateko lizentziarik ez duten ostatuetako bat, Maulen, estadioaren parean, halabeharrez hetsirik. ©GUILLAUME FAUVEAU

Etxeratze aginduak ez du karismarik

Ainize Madariaga

COVID-19ren kontrako manuek ezinegona eragin dute hainbat herritarren artean. Hiru ostatuk ezin dute ireki Maulen. Zabal dezaketenek ez dakite norat buruz doazen

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna