Noiz sortua: 2019-10-10 12:25:24

Espioitza

Iberdrolak ikerketa bat abiarazi du Villarejorekin izandako harremanak argitzeko

Euskal konpainiak politikariak, lehiakideak eta partikularrak ikertzeko kontratatu zuen Villarejo komisarioa, hainbat hedabidek argitaratu dutenez

Jose Ignacio Galan Iberdrolako presidentea, artxiboko argazki batean.
Jose Ignacio Galan Iberdrolako presidentea, artxiboko argazki batean. LAURENT GILLIERON / EFE

Xabier Martin -

2019ko urriak 10

Jose Manuel Villarejo, kartzelan dagoen komisario espia, nork kontratu ez zuen Espainiako konpainia eta alderdi nagusien artean; horixe da mahairatzen ari den galdera, azken egunetan jakin eta gero Iberdrolak ere —Francisco Gonzalezen BBVAk bezala– bere lehiakideak, politikariak eta partikularrak espiatzeko kontratatu zuela. El Confidencial eta Moncloa.com hedabideek lotu du Jose Ignacio Galanek gidatzen duen eleltrikoa ustelkeriaz lepo dagoen polizia ohi kartzelaratuarekin. Eta Iberdrolak egia izango ote den zantzuak igarri ditu antza, "ikerketa zorrotz bat" abiarazi duela jakinarazi baitu gaur. Konpainiaren kode etikoa urratu ote den jakin nahi duela dio, baina eskandaluari nolabait erantzuteko behar gorria duela ere argi dago.

Ikerketa horren emaitzek esango balute Iberdrolaren kontrol prozedurak gainditu direla, "behar diren neurri guztiak" hartuko lituzke konpainiak, "ezarritako prozedurekin bat". Galanen multinazionalak onartu du ez dituela ezagutzen CENYTekin (Villarejoren enpresa) lotzen duten informazioetan islatzen diren datu asko. Hori dela eta, "azterketa sakona" egingo duela agindu du.

Endesa eta ziklo konbinatuko zentrala

Asteon kaleratu dute Ibedrolak polizia ustelaren zerbitzuak kontratatu zituela, besteak beste, Endesako presidente Manuel Pizarro espiatzeko, "edota gitxiesteko", haren bizitza pribatua baliatuta; informazio berak dio Gas Naturalekin batera Endesaren jabe egin nahi izan zuela Bilboko konpainiak. Esan beharrik ere ez dago: salaketa gogor horiek oinarri sendoa balute, eta Villarejoren esku hartzea frogatuko balitz, kinka larria legoke Jose Ignacio Galanen kargua.

Horrez gain, Iberdrolak Villarejoren dohainak baliatu zituen, El Confidencial-en arabera, Arcos de la Fronterako (Cadiz, Espainia) ziklo konbinatuko zentrala aurrera ateratzeko. Hark eragiten duen kutsaduraren aurka hiritarren plataforma handi bat sortu zen, eta hura indarrik gabe uzteko aritu zen Villarejo, bere espiak hiritarren artean sartu eta plataforma barrutik deseginez.

Aste honetako informazioek 2018. urtean hasitako zurrumurruei segida eman diote. Iberdrolak berak ikerkerta bat agindu zuen iazko azaroan, eta bigarren bat ere bai aurtengo uztailean. Haien arabera, hamazazpi aldiz kontratu zituen ohiko zerbitzuak segurtasunaren alorrean, 2004tik 2017ra. Baina eskaera horiek guztiak prozeduren barruan egin zirela dio Galanen konpainiak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Koronabirusak adinekoei eragin die batez ere. ©JON URBE / FOKU

Nafarroan eta Araban bikoiztu egin zen heriotza kopurua birusak goia jo zuenean

Garikoitz Goikoetxea

Erregistro Zibiletako datuek azaleratu dute nola eragin duen COVID-19ak heriotzetan: bost astean, espero baino 2.100 gehiago hil ziren, datu ofizialetan 1.400 azaldu arren

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Donostiako Axular lizeoko ikasgela bat, maiatzaren 25ean, ikasle batzuk eskolara itzuli ziren egunean. / ©Gorka Rubio, Foku

Irailean ikasturtea normaltasunez hastea aurreikusten du Eusko Jaurlaritzak

Jon Ordoñez Garmendia

Maila guztietan eta gela murrizketarik gabe hasiko litzateke, ondo bidean. Jangela eta garraio zerbitzuak normaltasunez hastea ere aurreikusten du, baina DBHko eta Batxilergoko ikasleek ordutegi jarraitua izango lukete, etxean bazkaldu dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna