Lan gatazkak

Cie Alurecyko beharginek lortu dute beste lanpostu batzuetan jar ditzaten bermatzea

26 eguneko grebaren ostean, Elgetako lantegiko zuzendaritzarekin akordioa lortu du LAB sindikatuak.

Cie Alurecyko langileek joan den ekainean Bilbon egindako elkarretaratzea.
Cie Alurecyko langileek joan den ekainean Bilbon egindako elkarretaratzea. Luis Jauregialtzo / Foku

Irune Lasa -

2019ko urriak 11

Lantegia itxi egingo zela jakinda, euren lanpostuen defentsan, irailaren 17tik greba mugagabean zeuden Elgetako (Gipuzkoa) Cie Alurecyko beharginak. 26 egunen buruan, LAB sindikatuak eta lantegiko zuzendaritzak akordioa erdietsi dute, eta, adostutakoaren arabera, Elgetan aritzen ziren langile guztiek orain bermea dute Cie taldeko beste lantegi batzuetan beste lanpostu batean jarriko dituztela.

Hitzartu dute, halaber, langile bakoitzari gutxienez orain arte zituen soldatak eta lan baldintzak bermatuko zaizkiola. LABen arabera, "langileen esku egongo da, hala nahi izanez gero, beste lanpostu batzuetan jartzeari uko egitea, legeak ezartzen duen kalte-ordaina baino handiagoaren truke". Cie Alurecyko langileek akordioa ontzat eman dute gaur egindako batzarrean. LABek Elgetako herriaren eta inguruko langileen elkartasuna eskertu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna