Albistea entzun

Zinema

Gaztelu-Urrutiaren 'El Hoyo' filmarekin hasiko da Fantasiazko eta Beldurrezko Zinemaren Astea

Aurten, 30. aldia bete du Donostiako Fantasiazko eta Beldurrezko Zinemaren Astea jaialdiak. Gaztelu-Urrutiaren El Hoyo filmarekin hasiko da, larunbat honetan, Donostiako Antzoki Zaharrean. Urtero bezala, askotariko eskaintza zabala prestatu dute.

Gaztelu-Urrutiaren 'El Hoyo' filmarekin irudi bat.
Gaztelu-Urrutiaren 'El Hoyo' filmarekin irudi bat. Fantasiazko eta Beldurrezko Zinemaren Astea

Nagore Arin -

2019ko urriak 17

Zifra biribila bete du Donostiako Fantasiazko eta Beldurrezko Zinemaren Asteak: 30 urte igaro dira aitzindariek "hazia landatu zutenetik". Gaur egin dute aurkezpen ekitaldia, Donostiako Antzoki Zaharrean. Ez da kasualitatea izan aurkezpena Antzoki Zaharrean egitea; izan ere, 30. urtemugaren irudia da, urte horietan jaialdira joan izan diren ikus-entzuleekin batera. Antolatzaileen hitzetan, kontzienteki egin duten keinu bat izan da. Urriaren 26an hasiko da jaialdia, eta azaroaren 1ean amaituko da.

Galder Gaztelu-Urrutia (Bilbo, 1974) zinema zuzendariaren El Hoyo lanaren proiekzioarekin bat hasiko da Film Luzeen Sail Ofiziala. Torontoko Nazioarteko Zinema Jaialdiaren 44. edizioan arrakasta izan ostean, Sitges Film Festivaleko 52. edizioa irabazi zuen. Filmik onena izendatu zuten, eta sari hori ez ezik, efektu berezi onenen saria ere jaso zuen. Elkartasuna eta enpatiaren inguruko gogoeta egiten du.

Hala, Euskal Herrian ekoitzitako film batekin hasiko da Fantasiazko eta Beldurrezko Zinemaren Astea; baita amaitu ere: Aritz Moreno (Donostia, 1980) zinemagilearen Ventajas de viajar en tren filmarekin amaituko da Film Luzeen Sail Ofiziala, azaroaren 1ean. Euskal Herriko ekoizpen horiez gain, beste 22 lan ikusteko parada izango da aldi honetan, eta lan guzti horiek Antzoki Zaharrean ikusi ahal izango dira.

Film laburrak ere ikusteko parada izango da, hiru sailetan bereizita: Film Laburren Nazioarteko Saila, Animazio Film Laburren Saila eta Espainiako Film Laburren Saila. Sariak ere ez dira faltako: aurtengoan, Itziar Castro antzezlea, Fernando Iwasaki idazlea eta Elisa McCausland kazetaria izango dira film laburren epaileak. Halaber, folklore beldurgarriaren zikloa, haurrentzako zinema, bestelako proiekzioak, kaleko jarduerak, erakusketak eta ekitaldi ugari ere izango dira jaialdian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Jone Laspiur, atzo, emakumezko aktore berririk onenaren saria telematikoki jasotzen. ©Miguel A. Cordoba / EFE

Euskal filmek zortzi sari jaso dituzte Goya sarietan

Paulo Ostolaza

Bost garaikur eskuratu ditu Akelarre pelikulak, eta hiru Ane-k. Emakumezko aktore protagonistarik onenaren saria Patricia Lopez Arnaiz gasteiztarrari eman diote, eta emakumezko aktore berririk onenarena Jone Laspiur donostiarrari.

1 ©ALEMANIAKO ARTXIBO FEDERALAK / EZEZAGUNA

Goeringen artekaria gure artean

Amagoia Gurrutxaga Uranga

Bigarren Mundu Gerra garai oparoa izan zen naziek espoliatutako artelanen negozioan sartzeko prest zeudenentzat. Horietako bat izan zen Alois Miedl enpresaria. Artelan ugari pasarazi zituen Euskal Herritik barrena, Espainiako eta Portugalgo merkatuetara bidean. Hainbat euskal herritar izan zituen laguntzaile horretan.

Sarah Mary Chadwick abeslari eta pianista. ©BERRIA

Minari amaiera emateko biluztea

Mikel Lizarralde

Bi heriotza, harreman baten haustura eta suizidio saiakera bat. Mina eta samina dario Sarah Mary Chadwick musikariak azken bi urteetan ondu duen trilogiari. 'Me and Ennui Are Friends, Baby' du azken alea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna