Albistea entzun

Literatura

Juan Carlos Etxegoien 'Xamar' da saiakerako Euskadi sariduna, eta Isabel Etxeberria itzulpengintzakoa

"Etxera bidean" liburuagatik irabazi du saria Xamarrek, eta Alice Munroe idazlearen 'Etsaiak, lagunak, ezkongaiak, maitaleak, senar-emazteak' euskaratzeagatik Etxeberriak.

Juan Carlos Etxegoien 'Xamar' da saiakerako  Euskadi sariduna, eta Isabel Etxeberria itzulpengintzakoa
Juan Carlos Etxegoien 'Xamar' da saiakerako Euskadi sariduna, eta Isabel Etxeberria itzulpengintzakoa

Iñigo Astiz -

2019ko urriak 18 09:02

Bingen Zupiria Eusko Jaurlaritzako Kultura sailburuak eman du sarituen berri gaur, Bilboko Bidebarrieta liburutegian. 18.000 euro jasoko ditu bakoitzak, eta, sorkuntza lanen kasuan, 4.000 euroko beste sari bat ere jasotzeko aukera izango dute obra beste hizkuntza batean argitaratzen bada. Donostiako Tabakaleran egingo dute sari banaketa ofiziala, azaroaren 18an.

Harridura du abiapuntuan Xamarren saiakera historiko eta autobiografikoak. Nafarroako Aezkoa ibarrean 1936ko gerrak eragindako etena aztertzen du, eta lan hori memoria historikoarekin lotuta dagoela zehaztu du. "Ebatsi ziguten herria, ebatsi ziguten hizkuntza, eta ebatsi ziguten kultura. Eta harrituta gelditu ginen horrek suposatzen zuen guztiarekin. Gure gurasoen belaunaldiak basatiki sufritu zuen eten hori, eta harrituta gelditu ginen ohartzean gure gurasoak euskaldunak zirela". 

Historialariak baikor borobildu nahi izan du saria jasotzerakoan emandako mezua. "Garai hartan ameskeria bat zen Aezkoako haurrek, denek euskaraz ikasiko zutela. Problematika orain beste bat da, ze herri txiki horiek husten ari dira eta abar, baina bederen horren kontzientzia erein genuen, eta loratu egin da nolabait".

Erakuskeriarik gabe

Munroeren estilo zuzen eta itxuraz xaloa euskarara ekartzeko izan duen modua txalotu du epaimahaiak, Etxeberriaren itzulpenean. Eta, hain zuzen ere, estilo horren nondik norakoen berri eman du itzultzaileak. "Munroeren ipuinetan itxuraz oso pasadizo txikiak kontatzen dira, pertsonaiak ere arruntak dira, ez dirudi gauza lazgarririk gertatzen denik, baina, era berean, lortzen du sentimenduen mataza konplexuak osatzea, eta elkarri lotzen zaizkion harien bidez lortzen ditu mataza horiek". Esan duenez, ñabardura horiek itzultzen asmatzea izan da lanik zailena.

Ramon Eder idazleak jaso du gaztelerazko literaturakoa, Palmeras solitarias liburuagatik, eta Daniel Innerarityk, berriz, gaztelerazko saiakerakoa, Políticas para perplejos lanagatik.

Komunikazio kanpaina

Lanen kalitatea aitortzea da sarien lehen helburua, Zupiriak azaldu duenez, baina beste xede bat ere badute: lan horiei ikusgarritasuna ematea, hain zuzen ere. Eta horregatik egin du sari izendapena bi kolpetan. "Lan hauei buruz hitz egitea nahi dugu". Komunikazio kanpaina bat egingo dute horretarako hedabideetan.

Aurreko astean eman zituzten, Gasteizko Artium museoan, beste hiru sarituen izenak. Irati Elorrietak irabazi du Euskarazko Literaturako saria, Neguko argiak lanagatik, Patxi Zuizarretak Euskarazko Haur eta Gazte Literaturako saria, Korri, kuru, korri! liburuagatik, eta Asisko Urmenetak jilustraziorik onenarena, AztiHitza: Xahoren Biografikoa lanagatik.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©MARISOL RAMIREZ / FOKU

«Paparra erakusteko moduan dago komikigintza»

Gorka Arrese

Marrazkilaria, gidoilaria eta editorea da Dani Fano (Donostia, 1968). 'Sasi artean Elgeta' albuma argitaratu du berriki, Ekaitz Agirre 'Garluk' margolariarekin eta Koldo Izagirre gidoilariarekin batera. Ikastolen Elkartearen 'Xabiroi' komiki aldizkaria gidatzen du 2005etik hona.
Txaber Altubek irabazi zuen Bizkaiko Bertsolari Txapelketako kanporaketa. ©MONIKA DEL VALLE / FOKU

Soto, Sanjurjo eta Gorosterrazu, Nafarroako finalaurrekoetan

Berria

Donezteben jokatutako azken kanporaketarekin erabakita gelditu dira finalerdiak. Altube nagusitu da Bizkaian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna