Errusiako Defentsa Ministerioak jakinarazi duenez, gutxienez zortzi kide hil ditu soldatu batek Txitako base batean, Ekialde Urrunean. Larri zaurituta daude beste bi. Txanda aldaketa batean gertatu dira hilketak, eta Defentsa Ministerioak ikerketa batzorde bat bidali du, «ezbeharraren xehetasunak aztertzeko».
Txita hiria Mongoliako mugatik iparraldera dago, eta Txinako muga 400 kilometrora dauka. Siberia ekialdeko hiri handienetakoa da.
