Albistea entzun

Durangoko Azoka

Oier Zuñigak egin du Durangoko Azokako kartela

Azokaren ekosistemari egiten dio erreferentzia artistak sortutako irudiak, eta ideia bera nabarmenduko du abenduaren 5etik 8ra egingo den 54. azokaren leloak ere: "Osorik DA!".

Oier Zuñiga artista Nerea Mujika Gerediaga elkarteko lehendakariarekin
Oier Zuñiga artista Nerea Mujika Gerediaga elkarteko lehendakariarekin Marisol Ramirez/ Foku

Iñigo Astiz -

2019ko urriak 29

"Durangoko Azoka ekosistema berezi bat da, gune, babesle, Gerediaga elkartea, eta eragile ezberdinen arteko elkarlanean egiten duguna eta egingo duguna". Nerea Mujika Gerediaga elkarteko zuzendariak azaldu du aurtengo leloaren arrazoia. Dioenez, elkargune bat da Durangoko Azoka, bertan guztiek baitute tokia, bai sortzaileek, bai ekoizleek, bai eta irakurle, ikusle eta entzuleek ere. Eta osotasun ideia horregatik aurtengo azokaren leloa: "Osorik da!". Eta horregatik Oier Zuñiga artistak okasiorako sortutako kartela ere.

Osotara, irudi bakar bat osatzen dute guztiek, baina, berez, lau atal independente ditu kartelak, eta gorputz atal bati egiten dio erreferentzia haietako bakoitzak: burua, bularra, gerria eta hankak. Osotasun bat, guztira, ekosistema bat, baina bakoitza bere berezitasunarekin. Sormenarekin lotuta dago burua, esaterako, artistaren hitzetan. Zabalpenarekin du zerikusia bularrak. Hartu eta ematearekin du lotura gerriak. Eta akzioarekin hankek.

Sortzaile integrala

Oier Zuñiga (Iruñea, 1986), ilustratzaile izateaz gainera, aktore ere bada, eta Artedrama, Le Petite Theatre du Pain eta Dejabu Panpin Labortegiak sortutako Zaldi urdina antzezlanarekin dabil orain biran. Zuñigak sorkuntzari buruz duen ikuspegi "integrala" nabarmendu dute Gerediaga elkarteko ordezkariek, eta azoka osatzen duten "molekula" guztiek osatzen duten batasuna nabarmendu du Zuñigak ere: "Durangoko Azokan hamaika dira batzen diren emozio, esperientzia eta bizipenak. Norbera bere izatetik murgiltzen da euskal sorkuntzaren plaza honetan".

Gaur egin dute aurkezpena Durangon, lehen azoka hartu zuen Andra Mari elizako aterpean. Eta, artistaz gain, han izan dira Mujika, Joxean Muñoz Eusko Jaurlaritzako Kultura sailburuordea, Xabier Arauzo Bizkaiko Foru Aldundiko Euskara zuzendaria, eta Ima Garrastatxu Durangoko alkatea ere. "Durangoko azokaren hastapenetara etorri gara, muinera, esentziara", azaldu du Mujikak. Baina hain zuzen ere azokak garaian garaiko beharretara egokitzeko izan duen gaitasuna nabarmentzeko erabaki dute aurkezpena leku horretan egitea.

Aurrekontuan aldaketak

Datu zehatzik ez dute oraindik Gerediaga elkarteko kideek, eta horregatik ez dute aurtengo azokaren aurrekonturik aipatu prentsaurrekoan. Hurrengo aurkezpen publikoan emango dute haren berri, Mujikak iragarri duenez, baina nobedadeak egongo direla esan du. "Datorren prentsaurrekoan azalduko dugu, zehatz, nork emanda eta zenbat daukagun aurtengo. Ez dago aldaketa askorik, baina aldaketa garrantzitsuak badaude".

Bestalde, aurreratu dutenez, aurten ere Ikasleen Eguna izango da azokako lehen eguna. Iaz martxan jarri zuten Sormen Beka ere banatuko dute aurten, eta musika izango da oraingoan gaia. Euskarazko kultur produktu baten sorkuntza hasieratik amaierara garatzen laguntzea da bekaren helburua. Uztailera arte egon da zabalik proiektuak bidaltzeko aukera, eta jasotako proposamen horietako bat hautatuko dute orain.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ahomentan: Agertoki berri baterako lanak

Agertoki berri baterako lanak

Itziar Ugarte Irizar

Badira zenbait auzi behin eta berriz agertzen direnak kulturgileen ahotan, maiz urgentzia forman; dela sortzaileen prekaritatea, dela euskal kulturaren bazterreko egoera. Epe motzean horiek beste leku batean ezartzeko mugimenduak bidean dira, baina badira askatu gabeko eztabaidak ere.

Joxean Muñoz Otaegi eta Amagoia Gurrutxaga Uranga, Donostian. ©Maialen Andres, FOKU

Agertoki berri baterako lanak

Itziar Ugarte Irizar

Badira zenbait auzi behin eta berriz agertzen direnak kulturgileen ahotan, maiz urgentzia forman; dela sortzaileen prekaritatea, dela euskal kulturaren bazterreko egoera. Epe motzean horiek beste leku batean ezartzeko mugimenduak bidean dira, baina badira askatu gabeko eztabaidak ere.

Hazia musikaleko dantzariak, entseatzen, Errenteriako Dantzagunean (Gipuzkoa). ©ANDONI CANELLADA / FOKU

Kooperatiben aitzindariaren fruitua

Andoni Imaz

Gontzal Mendibil musikariak Jose Maria Arizmendiarrieta kooperatiben sustatzailearen bizitza kantu bihurtu du, 'Hazia' musikala sortzeko. Datorren irailaren 17an estreinatuko dute, Arrasaten.

'Orelhas' irudia. ©Alex Rozados.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...